સ્ટાર બેટ્સમેન ટૂંક સમયમાં કરશે વાપસી, નેટ્સમાં પાડ્યો પરસેવો, જુઓ વીડિયો

• IPL 2024ની શરૂઆત 22 માર્ચથી થશે
  
• સૂર્યકુમાર યાદવે NCAમાં પ્રેક્ટિસ શરૂ કરી
• સૂર્યા ઈજાના કારણે ક્રિકેટના મેદાનથી દૂર હતો

IPL 2024 22 માર્ચથી શરૂ થવાની છે. જેના માટે હવે તમામ ટીમો પોતપોતાની તૈયારીઓમાં વ્યસ્ત છે. તે જ સમયે, ઘણા ક્રિકેટરો જે લાંબા સમયથી ક્રિકેટના મેદાનથી દૂર હતા તેઓ પણ મેદાનમાં પાછા ફર્યા છે. IPLની તૈયારી માટે ખેલાડીઓએ નેટ્સમાં પ્રેક્ટિસ શરૂ કરી દીધી છે. આ સીરિઝમાં ટીમ ઈન્ડિયાના વધુ એક સ્ટાર બેટ્સમેનનું નામ જોડાઈ ગયું છે, જે લાંબા સમયથી ક્રિકેટના મેદાનથી દૂર હતો પરંતુ હવે આ ખેલાડી IPL 2024માં શાનદાર પ્રદર્શન કરવા માટે નેટ્સમાં ઘણો પરસેવો પાડી રહ્યો છે.

ખતરનાક બેટ્સમેન મેદાનમાં પાછો ફર્યો

ટીમ ઈન્ડિયાના વિસ્ફોટક બેટ્સમેન સૂર્યકુમાર યાદવ હવે ફિટ છે અને નેટ્સ પર પ્રેકટીસ કરી છે. જ્યાં સૂર્યકુમાર યાદવે IPL 2024ની તૈયારીઓ શરૂ કરી દીધી છે. વાસ્તવમાં, સૂર્યકુમાર યાદવ સાઉથ આફ્રિકાના પ્રવાસ દરમિયાન એક મેચ દરમિયાન ઈજાગ્રસ્ત થયો હતો. જે બાદ સૂર્યકુમાર ટીમ ઈન્ડિયાની બહાર થઈ ગયો હતો કારણ કે આ દરમિયાન તેની સર્જરી થઈ હતી. હવે સૂર્યકુમાર યાદવ સંપૂર્ણપણે ફિટ છે. સૂર્યકુમારનો પ્રેક્ટિસ કરતો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. આ જોઈને IPL 2024 પહેલા મુંબઈ ઈન્ડિયન્સના ચાહકોના ચહેરા પર ચમક આવી ગઈ છે.

સૂર્યકુમારે NCAમાં પ્રેક્ટિસ શરૂ કરી

સર્જરી બાદ, સૂર્યકુમાર યાદવ હવે પોતાનું ફોર્મ પાછું મેળવવા માટે નેશનલ ક્રિકેટ એકેડમી (NCA)માં પ્રેક્ટિસ કરી રહ્યો છે. આવી સ્થિતિમાં હવે ચાહકો IPLમાં ફરી એકવાર સૂર્યકુમાર યાદવની વિસ્ફોટક બેટિંગ જોવાના છે. IPL 2024માં આ વખતે મુંબઈ ઈન્ડિયન્સ નવા કેપ્ટન સાથે મેદાનમાં ઉતરવા જઈ રહી છે. મુંબઈ ઈન્ડિયન્સની કપ્તાની હવે હાર્દિક પંડ્યાના હાથમાં છે. IPL 2024 ની હરાજી પહેલા, હાર્દિક પંડ્યા ગુજરાત ટાઇટન્સ છોડીને તેની જૂની ટીમ મુંબઈ ઇન્ડિયન્સમાં જોડાયો હતો. હવે સૂર્યકુમાર યાદવ અને પૂર્વ કેપ્ટન રોહિત શર્મા હાર્દિક પંડ્યાની કેપ્ટન્સીમાં રમતા જોવા મળશે.