• ઓસ્ટ્રેલિયાના 3 ખેલાડીઓનું ઓક્શનમાં નામ
  
• રચિન રવિન્દ્રએ આપ્યું ઓક્શનમાં નામ
• લોર્ડ શાર્દુલ માટે લાગશે મોટી બોલી

IPLના ઓક્શન દરમિયાન ઘણા ખેલાડીઓ પર ઘણા પૈસાનો વરસાદ થયો છે. IPL 2024 માટે 19 ડિસેમ્બરે એક મીની હરાજીનું આયોજન કરવામાં આવશે. આ વર્ષે પણ ઘણા એવા ખેલાડીઓ છે જેમના પર પૈસાનો વરસાદ થઈ શકે છે. તમામ ટીમોએ કેટલાક ખેલાડીઓને મુક્ત કરીને તેમના પર્સમાં સારી એવી રકમ બચાવી રાખી છે. આવી સ્થિતિમાં તે ઓક્શન ટેબલ પર ખર્ચ કરીને વધુ સારા ખેલાડીઓ ખરીદવા માંગશે. આવો એક નજર કરીએ એવા ખેલાડીઓ પર જેઓ આ સિઝનની હરાજીમાં સૌથી મોંઘા સાબિત થઈ શકે છે.

શાર્દુલ ઠાકુર

કોલકાતા નાઈટ રાઈડર્સની ટીમે ઓલરાઉન્ડર શાર્દુલ ઠાકુરને બહાર કર્યો છે. શાર્દુલ ઠાકુર તેની ફાસ્ટ બોલિંગ તેમજ છેલ્લી ઓવરોમાં તોફાની બેટિંગ માટે જાણીતો છે. શાર્દુલ ઠાકુર ગત સિઝનમાં KKR સાથે હતો. આ પહેલા તે દિલ્હી કેપિટલ્સ તરફથી રમી ચૂક્યો છે. શાર્દુલ ઠાકુરને ગત સિઝનમાં 10.75 કરોડ રૂપિયા મળ્યા હતા. શાર્દુલ ઠાકુર પર ફરી એક વખત મોટી બોલીની અપેક્ષા છે.

પેટ કમિન્સ

ચાહકોએ ઓસ્ટ્રેલિયાના કેપ્ટન પેટ કમિન્સ પર નજર રાખવી જોઈએ, જેણે ઓસ્ટ્રેલિયાને છઠ્ઠી વખત વર્લ્ડ કપનું ટાઇટલ અપાવ્યું છે. પેટ કમિન્સે આ વર્ષે યોજાનારી મીની હરાજી માટે પોતાનું નામ આપ્યું છે. ગયા વર્ષે, કમિન્સે વર્લ્ડ ટેસ્ટ ચેમ્પિયનશિપ અને વર્લ્ડ કપને કારણે IPLની હરાજીમાં ભાગ લીધો ન હતો. આવી સ્થિતિમાં આ વર્ષે હરાજી દરમિયાન કમિન્સ પર મોટી બોલી લગાવવામાં આવી શકે છે.

મિચેલ સ્ટાર્ક

ઓસ્ટ્રેલિયન ફાસ્ટ બોલર મિચેલ સ્ટાર્ક પણ ગત સિઝનમાં IPLનો ભાગ નહોતો. આવતા વર્ષે T-20 વર્લ્ડ કપનું આયોજન થવાનું છે. આવી સ્થિતિમાં મિચેલ સ્ટાર્કે IPL રમવાનો નિર્ણય કર્યો છે. મિચેલ સ્ટાર્ક રોયલ ચેલેન્જર બેંગ્લોર તરફથી IPL રમી ચૂક્યો છે. હરાજીમાં ઘણી ટીમોની નજર મિચેલ સ્ટાર્ક પર રહેશે. આવી સ્થિતિમાં તેમને સારી એવી રકમ મળી શકે છે.

ટ્રેવિસ હેડ

ઓસ્ટ્રેલિયાના બેટ્સમેન ટ્રેવિસ હેડે IPLના મિની ઓક્શનમાં પોતાનું નામ આપ્યું છે. હેડ રોયલ ચેલેન્જર્સ બેંગ્લોર તરફથી 2016 અને 2017માં રમી ચૂક્યો છે. હેડ ગત સિઝનમાં અનસોલ્ડ રહ્યો હતો, પરંતુ ODI વર્લ્ડ કપ 2023ની અંતિમ મેચમાં ભારત સામે સદી ફટકારીને ઓસ્ટ્રેલિયાને વર્લ્ડ ટાઇટલ અપાવનાર હેડને આ વર્ષે ખરીદી શકાય તેવું અનુમાન છે. ટ્રેવિસ હેડ આ વર્ષે હરાજીમાં ઊંચી કિંમતે વેચાઇ શકે છે.

રચિન રવિન્દ્ર

આ વર્ષે ન્યૂઝીલેન્ડનો ઓલરાઉન્ડર ખેલાડી રચિન રવિન્દ્ર પણ હરાજીમાં ભાગ લઈ રહ્યો છે. રચિન રવિન્દ્રએ ODI વર્લ્ડ કપમાં પોતાની બેટિંગથી બધાને પ્રભાવિત કર્યા છે. રચિન રવિન્દ્ર બેટિંગ ઉપરાંત બોલિંગમાં પણ કમાલ કરી શકે છે. ઓલરાઉન્ડર તરીકે તે IPLમાં પોતાનું સ્થાન બનાવવામાં સફળ થઈ શકે છે. રવિન્દ્ર પર દાવ લગાવવા માટે ઘણી ટીમો તૈયાર હશે. આવી સ્થિતિમાં રવિન્દ્ર પણ આ IPLમાં મોંઘો સાબિત થઈ શકે છે.