- IPL 2024 માટે તમામ ફ્રેન્ચાઈઝીઓએ રિટેન્શન યાદી જાહેર કરી
- RCB અને SRHના પર્સમાં બચ્યા છે સૌથી વધુ રૂપિયા
- આ બંને ફ્રેન્ચાઈઝી ખરીદી શકે છે સૌથી મોંઘા ખેલાડી
IPL 2024 માટે તમામ 10 ફ્રેન્ચાઇઝીઓની રિટેન્શન સૂચિ જાહેર કરવામાં આવી છે. જે બાદ એ સ્પષ્ટ થઈ ગયું કે, આગામી હરાજીમાં કઈ ફ્રેન્ચાઈઝી માટે કેટલા ખેલાડીઓ બાકી છે અને તેના પર્સમાં કેટલા પૈસા બાકી છે. જો આપણે આ તમામ 10 ફ્રેન્ચાઈઝીઓ સાથે ઉપલબ્ધ પર્સ અને બાકીના સ્લોટ્સનું વિશ્લેષણ કરવામાં આવે તો સામે આવે છે કે, રોયલ ચેલેન્જર્સ બેંગલોર અને સનરાઈઝર્સ હૈદરાબાદ ફ્રેન્ચાઈઝી આગામી હરાજીમાં ખુલ્લીને રમશે.
આ બંને ફ્રેન્ચાઇઝી પાસે છે વધુ રૂપિયા
આ બે ફ્રેન્ચાઇઝી એવી છે જેમની પાસે આગામી હરાજી માટે સૌથી વધુ રકમ બાકી છે. આ ઉપરાંત તેમની પાસે બહુ ઓછા સ્લોટ બાકી છે. આનો અર્થ એ થયો કે આ ટીમો હરાજીમાં મોટો દાવ લગાવવા માટે ટેન્શન ફ્રી રહેશે. એવું પણ કહી શકાય કે, આગામી હરાજીમાં સૌથી મોંઘા ખેલાડીઓ આ બે ફ્રેન્ચાઈઝીમાં જઈ શકે છે.
RCBનું પર્સ અને સ્લોટ્સ- RCBએ ટીમમાં 18 ખેલાડીઓને રિટેન કર્યા છે. જેમાંથી 4 ખેલાડીઓ વિદેશી છે. RCBએ તેના પર 59.25 કરોડ રૂપિયા ખર્ચ કર્યા છે. એક ફ્રેન્ચાઈઝીમાં વધુમાં વધુ 25 ખેલાડીઓ હોઈ શકે છે અને પર્સમાં 100 કરોડ રૂપિયાની મર્યાદા છે. આવી સ્થિતિમાં RCB પાસે હવે માત્ર 7 ખેલાડીઓનો સ્લોટ બચ્યો છે અને તેના પર્સમાં 40.75 કરોડ રૂપિયાની મોટી રકમ બચી છે. એટલે કે આ ટીમ દરેક સ્લોટ માટે 5.82 કરોડ રૂપિયા સુધીનો ખર્ચ કરી શકે છે. અન્ય કોઈ ફ્રેન્ચાઈઝી પાસે સ્લોટ માટે આટલી સરેરાશ રકમ બાકી નથી. આવી સ્થિતિમાં, તે સ્પષ્ટ છે કે RCB IPLની હરાજીમાં કેટલાક ખેલાડીઓ પર ઘણા રૂપિયા ખર્ચ કરી શકે છે.
SRHનું પર્સ અને સ્લોટ્સ- SRHની ટીમમાં 19 ખેલાડીઓ છે. જેમાં 5 વિદેશી ખેલાડીઓ છે. તેમનો કુલ ખર્ચ 66 કરોડ રૂપિયા છે. એટલે કે SRH પાસે તેના પર્સમાં 34 કરોડ રૂપિયા છે અને તેણે હરાજીમાં માત્ર 6 ખેલાડીઓની પસંદગી કરવાની છે. તેનો અર્થ એ કે SRH પાસે પ્રતિ સ્લોટ પર્સમાં સરેરાશ રૂ. 5.80 કરોડ છે. આવી સ્થિતિમાં આ ફ્રેન્ચાઇઝી કેટલાક મોટા દાવ લગાવવા માટે પણ મુક્ત હશે.
