IPL 2024: RR માટે એક્સ ફેક્ટર છે આ ખેલાડી,ઓરેન્જ કેપનો પ્રમુખ દાવેદાર

• IPL 2024માં RRને સિઝનની પ્રથમ હારનો સામનો કરવો પડ્યો
  
• IPL 2024માં રિયાન પરાગ RR માટે એક્સ ફેક્ટર સાબિત થયો
• ઓરેન્જ કેપની રેસમાં કોહલી પછી બીજા સ્થાને છે રિયાન પરાગ

IPL 2024માં રાજસ્થાન રોયલ્સ ટીમને સિઝનની પ્રથમ હારનો સામનો કરવો પડ્યો છે. ગુજરાત ટાઇટન્સે સંજુ સેમસનની ટીમને 3 વિકેટે પરાજય આપ્યો હતો. આ મેચમાં ભલે રાજસ્થાનને હારનો સામનો કરવો પડ્યો હતો, પરંતુ ટીમનો એક ખેલાડી એવો છે જેણે ફરી એકવાર ચાહકોનું દિલ જીતી લીધું છે.

રિયાન પરાગ RR માટે એક્સ ફેક્ટર સાબિત થયો

દર વખતે આ ખેલાડી રાજસ્થાન રોયલ્સ માટે એક્સ ફેક્ટર સાબિત થાય છે. રિયાન પરાગ પોતાના શાનદાર પ્રદર્શનથી ચાહકોને વિચારવા મજબૂર કરે છે કે કેમ તે આ ટીમનો એક્સ ફેક્ટર છે. આ ખેલાડીને IPL 2024માં ઓરેન્જ કેપ માટે પણ પ્રબળ દાવેદાર માનવામાં આવે છે.

ઓરેન્જ કેપની રેસમાં બીજા સ્થાને છે પરાગ

IPL 2024માં હાલ વિરાટ કોહલીના માથા પર ઓરેન્જ કેપ છે, રાજસ્થાન રોયલ્સનો આ યુવા ખેલાડી કોહલીને જબરદસ્ત સ્પર્ધા આપી રહ્યા છે. આ સિઝનમાં આ ખેલાડીના માથા પર ઓરેન્જ કેપ પણ આવી છે. 

પરાગનું જોરદાર કમબેક

આ વખતે IPL 2024માં રિયાન પરાગને 'રિયાન પરાગ 2.0' કહેવામાં આવી રહ્યો છે. આ સિઝનમાં રિયાન જે રીતે બેટિંગ કરી રહ્યો છે, આ નામ તેને ઘણું અનુકૂળ આવે છે. અત્યાર સુધી રિયાન આ સિઝનમાં 4 મેચ રમી ચૂક્યો છે અને ત્રણ મેચમાં તેણે અડધી સદી ફટકારી છે. રાજસ્થાનની જીતમાં રિયાન મહત્વની ભૂમિકા ભજવી રહ્યો છે.

કોહલી પછી બીજા નંબરે છે પરાગ

રિયાન પરાગે IPL 2024માં અત્યાર સુધી 4 મેચમાં 158થી વધુના સ્ટ્રાઈક રેટથી 261 રન બનાવ્યા છે. આ દરમિયાન તેણે ત્રણ અડધી સદી ફટકારી છે. હાલમાં IPL 2024માં સૌથી વધુ રન બનાવવાના મામલે રિયાન પરાગ વિરાટ કોહલી પછી બીજા ક્રમે છે. વિરાટ કોહલી 316 રન સાથે નંબર વન પર છે. વિરાટે આ સિઝનમાં સદી પણ ફટકારી છે. જો રેયાનનું શાનદાર પ્રદર્શન ભવિષ્યમાં પણ ચાલુ રહેશે તો તે વિરાટ કોહલી પાસેથી ઓરેન્જ કેપ છીનવી શકે છે.