- રાજસ્થાન અને બેંગ્લોર વચ્ચે IPL 2024ની 19મી મેચ
- વિરાટ કોહલીએ આ મેચમાં 67 બોલમાં સદી ફટકારી
- કોહલીએ IPL ઈતિહાસની સૌથી ધીમી સદી ફટકારી
વિરાટ કોહલીએ IPL 2024ની 19મી મેચમાં શાનદાર સદી ફટકારી હતી. વિરાટે રાજસ્થાન રોયલ્સ સામે તેની IPL કરિયરની 8મી સદી ફટકારી હતી. તેણે આ ઇનિંગમાં 67 બોલમાં સદી ફટકારી હતી. તે શરૂઆતથી અંત સુધી ક્રિઝ પર રહ્યો અને તેણે 72 બોલમાં 113 રનની અણનમ ઇનિંગ રમી હતી. આ ઇનિંગમાં વિરાટના બેટમાંથી 12 ચોગ્ગા અને 4 છગ્ગા આવ્યા હતા. પરંતુ આ ઈનિંગમાં વિરાટના નામે ઈતિહાસની સાથે એક શરમજનક રેકોર્ડ પણ નોંધાયો હતો.
વિરાટે રચ્યો ઇતિહાસ
વિરાટ કોહલી પહેલાથી જ IPLમાં સૌથી વધુ 7 સદી ફટકારનાર ખેલાડી હતો. આ તેની 8મી સદી હતી. તેમના સિવાય IPLમાં ક્રિસ ગેલે 6 સદી અને જોસ બટલરે 5 સદી ફટકારી હતી. જ્યારે ટી20માં વિરાટની આ નવમી સદી હતી. તેણે એરોન ફિન્ચ, ડેવિડ વોર્નર અને માઈકલ ક્લિન્ગરને પાછળ છોડી દીધા જેમણે 8-8 સદી ફટકારી હતી. સૌથી વધુ T20 સદી ફટકારવાના મામલે તે ક્રિસ ગેલ (22) અને બાબર આઝમ (11)થી પાછળ છે.
વિરાટે બનાવ્યો શરમજનક રેકોર્ડ
વિરાટ કોહલીની આ ઇનિંગ ઐતિહાસિક તો હતી જ, સાથે જ તેના નામે એક શરમજનક રેકોર્ડ પણ નોંધાયો હતો. કોહલી હવે IPLમાં સૌથી ધીમી સદી ફટકારનાર સંયુક્ત ખેલાડી પણ બની ગયો છે. આ રેકોર્ડ મનીષ પાંડેના નામે હતો જ્યારે તેણે 2009માં ડેક્કન ચાર્જર્સ સામે 67 બોલમાં સદી ફટકારી હતી. આ ઇનિંગમાં વિરાટ કોહલીએ પણ 67 બોલમાં સદી ફટકારી હતી. આ લિસ્ટમાં વિરાટ અને મનીષ ઉપરાંત સચિન તેંડુલકર, જોસ બટલર અને ડેવિડ વોર્નરનું નામ છે જેમણે 66-66 બોલમાં સદી ફટકારી હતી.
