- IPL 2024ની હરાજી 19મી ડિસેમ્બરે દુબઈમાં થશે
- હરાજીમાં કુલ 333 ખેલાડીઓને શોર્ટલિસ્ટ કરાયા
- હરાજીમાં ફાસ્ટ બોલરોની માંગ ઘણી વધારે રહેશે
IPL 2024ની હરાજી મંગળવારે એટલે કે 19મી ડિસેમ્બરે દુબઈમાં થશે. આ હરાજી માટે કુલ 333 ખેલાડીઓને શોર્ટલિસ્ટ કરવામાં આવ્યા છે, પરંતુ માત્ર 77 ખેલાડીઓ માટે સ્લોટ ખાલી છે, જેમાંથી વિદેશી ખેલાડીઓ માટે માત્ર 30 સ્લોટ બાકી છે. જો કે, આ હરાજીમાં ફાસ્ટ બોલરોની માંગ ઘણી વધારે રહેશે, કારણ કે લગભગ તમામ ટીમોને ઝડપી બોલરોની જરૂર છે.
ફાસ્ટ બોલર પર લાગશે સૌથી વધુ બોલી
આવી સ્થિતિમાં, વિશ્વભરના કેટલાક પસંદ કરેલા ફાસ્ટ બોલરોના નામ પર 10 કરોડ રૂપિયાથી વધુની બોલી લગાવવામાં આવી શકે છે, જ્યારે ઓસ્ટ્રેલિયાના મિચેલ સ્ટાર્ક, પેટ કમિન્સ અને સાઉથ આફ્રિકાના ગેરાલ્ડ કોએત્ઝી એવા કેટલાક ફાસ્ટ બોલરો છે જેમના નામ સામે આવ્યા છે. પ્રથમ વખત રૂ. 20 કરોડ સુધીની ઐતિહાસિક બોલી લાગી શકે છે. આનું ઉદાહરણ જિઓ સિનેમા પર થયેલા મોક ઓકશનમાં થયું હતું.
મિચેલ સ્ટાર્ક - ઓસ્ટ્રેલિયા
જિઓ સિનેમા પર આયોજિત મોક ઓક્શનમાં મિચેલ સ્ટાર્કના નામ પર સૌથી વધુ બોલી લગાવવામાં આવી હતી. RCBએ આ ખેલાડી પર 18.50 કરોડ રૂપિયાની બોલી લગાવી હતી. હવે જોવાનું એ રહે છે કે આવતીકાલે RCB આ ખેલાડીની પાછળ જાય છે કે નહીં. જો કે, ટોમ મદુરી અને અશ્વિન જેવા ઘણા ક્રિકેટ નિષ્ણાતોએ આગાહી કરી છે કે સ્ટાર્ક પણ IPL ઇતિહાસનો સૌથી મોંઘો ખેલાડી બની શકે છે. જો આમ થાય છે તો સ્ટાર્ક 20 કરોડ રૂપિયાની બોલી મેળવનાર પ્રથમ ખેલાડી પણ બની શકે છે.
ગેરાલ્ડ કોએત્ઝી - સાઉથ આફ્રિકા
સાઉથ આફ્રિકાના આ યુવા ફાસ્ટ બોલરે ભારતીય પીચો પર રમાયેલા ODI વર્લ્ડ કપમાં શાનદાર પ્રદર્શન કર્યું હતું. તે ફાસ્ટ બોલિંગ સાથે સ્વિંગ પણ કરી શકે છે અને બેટિંગમાં પણ યોગદાન આપી શકે છે. આવી સ્થિતિમાં, ઘણી ટીમો આ ખેલાડીની પાછળ જઈ શકે છે. ગુજરાત ટાઇટન્સે મોક ઓક્શનમાં આ ખેલાડી માટે 18 કરોડ રૂપિયાની બોલી લગાવી હતી. તેથી આ ફાસ્ટ બોલરના નામ પર પણ 15-20 કરોડ રૂપિયા સુધીની બોલી લગાવવામાં આવી શકે છે.
પેટ કમિન્સ - ઓસ્ટ્રેલિયા
ઓસ્ટ્રેલિયાનો વર્લ્ડ ચેમ્પિયન કેપ્ટન પેટ કમિન્સ માત્ર ફાસ્ટ બોલર નથી, પરંતુ તે નીચેના ક્રમમાં મોટા શોટ કેવી રીતે મારવા તે પણ જાણે છે અને તે ચેમ્પિયન કેપ્ટન પણ છે. જે ટીમ તેને ખરીદે છે તેને ઘણી રીતે ફાયદો થઈ શકે છે. આ કારણથી સનરાઇઝર્સ હૈદરાબાદે મોક ઓક્શનમાં પણ તેના નામે 17.50 કરોડ રૂપિયાની બોલી લગાવી છે. આવી સ્થિતિમાં આ ખેલાડીના નામ પર 15-20 કરોડ રૂપિયા સુધીની બોલી લગાવવામાં આવી શકે છે.
શાર્દુલ ઠાકુર- ભારત
આ યાદીમાં ભારત તરફથી શાર્દુલ ઠાકુર ટોપ પર હોય તેમ જણાય છે. શાર્દુલને કોલકાતા નાઈટ રાઈડર્સ દ્વારા રિલીઝ કરવામાં આવ્યો છે. આ ખેલાડીના રૂપમાં ટીમને મિડિયમ પેસ બોલરની સાથે સાથે લોઅર ઓર્ડરમાં મોટા શોટ પણ મારી શકે છે. આ સિવાય શાર્દુલ ભારતીય ઓલરાઉન્ડર છે. આ જ કારણ છે કે શાર્દુલના નામે પંજાબ કિંગ્સે મોક ઓક્શનમાં 14 કરોડ રૂપિયાની જોરદાર બોલી લગાવી છે. તેથી આ ભારતીય ખેલાડીને 10-15 કરોડ રૂપિયામાં પણ ખરીદી શકાય છે.
દિલશાન મદુશંકા - શ્રીલંકા
આ યાદીમાં પાંચમા ફાસ્ટ બોલરનું નામ છે દિલશાન મદુશંકા, જેણે ભારતમાં યોજાયેલા વર્લ્ડ કપમાં શ્રીલંકા માટે સૌથી વધુ વિકેટ લીધી હતી. તે ડાબા હાથનો ફાસ્ટ બોલર છે. તેની પાસે ઝડપી બોલિંગ કરવાની અને નવા બોલને સ્વિંગ કરવાની ક્ષમતા છે અને તે ઘણી વખત વહેલી વિકેટ લેવા માટે જાણીતો છે. કોલકાતા નાઈટ રાઈડર્સની ટીમે પણ મોક ઓક્શનમાં શ્રીલંકાના આ બોલર માટે 10.50 કરોડ રૂપિયાની બોલી લગાવી છે. તેથી આવતીકાલે યોજાનારી હરાજીમાં શ્રીલંકાના આ બોલરના નામે 10-15 કરોડ રૂપિયાની બોલી લાગી શકે છે.
