IND vs WI: ઈશાન કિશને રચ્યો ઈતિહાસ, વિદેશી ધરતી પર...

• ઈશાન કિશને બનાવ્યો રેકોર્ડ
  
• વિદેશી ધરતી પર સતત ત્રણ ફિફ્ટી ફટકારી
• ટેસ્ટમાં પણ 50નો આંકડો પાર કર્યો હતો

ભારતીય ઓપનર ઈશાન કિશન અત્યારે સારા ફોર્મમાં છે. ઈશાને વેસ્ટ ઈન્ડીઝ વિરુદ્ધ ત્રીજી વનડે મેચમાં શ્રેષ્ઠ પ્રદર્શન કરીને 77 રન બનાવ્યા છે. કિશને 64 બોલ પર 8 ફોર અને 3 સિક્સ ફટકારીને 77 રન બનાવ્યા છે. ઈશાન કિશનની આ સળંગ ચોથી ફિફ્ટી છે. ઈશાન કિશને વેસ્ટ ઈન્ડીઝ વિરુદ્ધ બીજી ટેસ્ટ મેચમાં 50 રનનો આંકડો પાર કર્યો હતો. જે બાદ ત્રણેય વનડે મેચમાં 50નો આંકડો પાર કર્યો છે.

વેસ્ટ ઈન્ડીઝમાં ઈશાન કિશનનું ફોર્મ સારૂં

ઈશાન કિશન અત્યારે જે લયમાં બેટિંગ કરે છે. તેને જોતા વર્લ્ડકપ માટે આ વિકેટકીપર બેટ્સમેનની દાવેદારી મજબૂત છે. વેસ્ટ ઈન્ડીઝ વિરુદ્ધ 3 વનડે મેચની સીરિઝના પ્રથમ મેચમાં ઈશાન કિશને 46 બોલ પર 52 રન કર્યા હતા. જે બાદ બીજી મેચમાં આ ખેલાડીએ 55 બોલ પર 55 રન બનાવ્યા હતા અને ત્રીજી વનડે મેચમાં 64 બોલમાં 77 રન બનાવ્યા છે.

34 બોલમાં 52 રન કર્યા

આ પ્રકારે ઈશાન કિશને વેસ્ટ ઈન્ડીઝની જમીન પર સળંગ 3 વનડે મેચમાં ફિફ્ટી ફટકારીને ઈતિહાસ રચ્યો છે. આ પહેલા વેસ્ટ ઈન્ડીઝ વિરુદ્ધ 2 ટેસ્ટ મેચની સીરિઝની બીજી મેચમાં ઈશાન કિશને 34 બોલ પર 52 રનની અણમન ઈનિંગ રમી હતી. આ ઈનિંગમાં ઈશાન કિશને 4 ફોર અને 2 સિક્સ ફટકારી હતી.