KKR vs LSG: ગાબામાં ઓસ્ટ્રેલિયાનો ઘમંડ તોડનાર ખેલાડીએ IPLમાં કર્યું ડેબ્યૂ

• કોલકાતા અને લખનૌ સુપર જાયન્ટ્સ વચ્ચે મેચ
  
• શ્રેયસ ઐયરે ટોસ જીતીને બોલિંગ પસંદ કરી
• IPLમાં લખનૌ તરફથી શમર જોસેફે ડેબ્યૂ કર્યું

IPL 2024માં 28મી મેચ કોલકાતા નાઈટ રાઈડર્સ અને લખનૌ સુપર જાયન્ટ્સ વચ્ચે ઈડન ગાર્ડન સ્ટેડિયમમાં રમાઈ રહી છે. આ મેચમાં બંને ટીમોની પ્લેઈંગ ઈલેવનમાં બદલાવ જોવા મળ્યો હતો. કોલકાતા તરફથી આ મેચની પ્લેઈંગ ઈલેવનમાં રિંકુ સિંહનો સમાવેશ કરવામાં આવ્યો નથી, જ્યારે હર્ષિત રાણાને પ્લેઈંગ ઈલેવનમાં સામેલ કરવામાં આવ્યો છે. આ સિવાય લખનૌમાં પણ બદલાવ જોવા મળ્યો છે. નવીન ઉલ હક, અરશદ ખાન અને દેવદત્ત પડિકલને પ્લેઈંગ ઈલેવનમાંથી બહાર રાખવામાં આવ્યા છે. જ્યારે લખનૌ તરફથી આ મેચમાં એક ખેલાડીને આઈપીએલમાં ડેબ્યૂ કરવાની તક મળી છે.

IPLમાં કિંગ ઓફ ગાબાનું ડેબ્યુ

IPL 2024ની હરાજીમાં લખનૌ સુપર જાયન્ટ્સે વેસ્ટ ઈન્ડિઝના યુવા ફાસ્ટ બોલર શમર જોસેફને ખરીદ્યો હતો. જો કે, જોસેફને હજુ સુધી એક પણ મેચમાં રમવાની તક મળી નથી. પરંતુ આજે શમર જોસેફને કોલકાતા સામે ડેબ્યુ કરવાની તક મળી છે.

વેસ્ટ ઈન્ડિઝે ગાબાનો ઘમંડ તોડ્યો

24 વર્ષીય શમર જોસેફે ગયા વર્ષે જ ઓસ્ટ્રેલિયા સામે આંતરરાષ્ટ્રીય ક્રિકેટમાં પદાર્પણ કર્યું હતું. આ દરમિયાન શમારે ઓસ્ટ્રેલિયા સામેની ટેસ્ટ સીરિઝમાં શાનદાર પ્રદર્શન કર્યું હતું. જેના કારણે આ વેસ્ટ ઈન્ડિઝે ઓસ્ટ્રેલિયાને ગાબા

ટેસ્ટમાં હરાવ્યું હતું.