IND vs PAK: રોહિતની કેપ્ટન્સીમાં ભારતે T20 વર્લ્ડકપમાં કર્યો સૌથી મોટો ચમત્કાર

• ટીમ ઈન્ડિયાએ પાકિસ્તાનને 6 રનથી હરાવ્યું
  
• T20Iમાં ભારત દ્વારા ડિફેન્ડ કરેલ સૌથી ઓછા સ્કોર
• ભારતે રોહિત શર્માની કપ્તાનીમાં કર્યું ખાસ કારનામું

T20 વર્લ્ડકપ 2024માં ભારત અને પાકિસ્તાન વચ્ચે રોમાંચક મેચ જોવા મળી હતી. આ મેચમાં છેલ્લી ઓવર સુધી કોઈપણ ટીમનો વિજય નિશ્ચિત જણાતો ન હતો. પરંતુ છેલ્લી ઓવરમાં ભારતીય ટીમે પાકિસ્તાની ટીમને 6 રનથી હરાવ્યું હતું. આ મેચમાં ભારતીય બોલરોએ શાનદાર પ્રદર્શન કર્યું હતું. જસપ્રિત બુમરાહ, રિષભ પંત અને અર્શદીપ સિંહ ભારત તરફથી સારૂ રમ્યા હતા. 

બોલરોએ પોતાની તાકાત બતાવી

પાકિસ્તાન સામેની મેચમાં ભારતીય ટીમે પ્રથમ બેટિંગ કરીને 119 રન બનાવ્યા હતા. ભારત તરફથી માત્ર રિષભ પંત જ સારી બેટિંગ કરી શક્યો. તેણે 42 રનની ઇનિંગ રમી હતી. આ પછી, લક્ષ્યનો પીછો કરતી વખતે પાકિસ્તાની ટીમે 10 ઓવર પછી 1 વિકેટના નુકસાન પર 57 રન બનાવ્યા હતા. આ કારણે ટીમ ઈન્ડિયા માટે જીત મેળવવી મુશ્કેલ લાગી રહી હતી. ત્યારબાદ ભારતીય બોલરોએ ટીમ ઈન્ડિયા માટે જોરદાર વાપસી કરી હતી અને પાકિસ્તાની ટીમ 20 ઓવરમાં માત્ર 113 રન જ બનાવી શકી હતી. આ રીતે ટીમ ઈન્ડિયાએ 6 રનથી મેચ જીતી લીધી હતી.

ભારતીય ટીમે પાકિસ્તાન સામે આપેલા 120 રનના ટાર્ગેટનો બચાવ કર્યો હતો. આ પહેલા ભારતે T20 ઈન્ટરનેશનલમાં આટલા નાના સ્કોરનો બચાવ કર્યો ન હતો. ભારતીય ટીમે 2016માં ઝિમ્બાબ્વે સામે T20Iમાં 139 રનના ટાર્ગેટનો બચાવ કર્યો હતો. પરંતુ હવે ભારતે આ રેકોર્ડને પાછળ છોડી દીધો છે.

T20Iમાં ભારત દ્વારા ડિફેન્ડ કરેલ સૌથી ઓછા સ્કોર

• 120 વિ પાકિસ્તાન, 2024*
• 139 વિ ઝિમ્બાબ્વે, 2016
• 145 વિ ઈંગ્લેન્ડ, 2017
• 147 વિ બાંગ્લાદેશ, 2016

T20 વર્લ્ડકપમાં સૌથી ઓછો સ્કોર ડિફેન્ડ કર્યો

ભારતીય ટીમ એવી ટીમ પણ બની ગઈ છે જેણે સંયુક્ત રીતે T20 વર્લ્ડકપના ઈતિહાસમાં સૌથી ઓછા સ્કોરનો બચાવ કર્યો હતો. T20 વર્લ્ડકપમાં ભારત અને શ્રીલંકા બંનેએ 120-120 રનના ટાર્ગેટનો ડિફેન્ડ કર્યો છે. ભારતે વર્ષ 2024માં પાકિસ્તાન સામે અને વર્ષ 2014માં શ્રીલંકાની ટીમે ન્યૂઝીલેન્ડ સામે આ કર્યું હતું. T20 વર્લ્ડકપમાં ટાર્ગેટ 120 રનથી ઓછો રહ્યો નથી.

T20 વર્લ્ડકપમાં સૌથી ઓછા સ્કોર ડિફેન્ડ

• 120 ભારત વિ પાકિસ્તાન, 2024*
• 120 શ્રીલંકા વિ ન્યુઝીલેન્ડ, 2014
• 124 અફઘાનિસ્તાન વિ વેસ્ટ ઈન્ડિઝ, 2016
• 127 ન્યુઝીલેન્ડ વિ ભારત, 2016