માઈકલ ક્લાર્કને ગર્લફ્રેન્ડ સાથે લડાઈ કરવું ભારે પડ્યું, પોલીસે ફટકાર્યો દંડ

• વીડિયો વાયરલ થયા બાદ પોલીસે આ વિવાદની તપાસ હાથ ધરી
  
• માઈકલ ક્લાર્ક- અને તેની ગર્લફ્રેન્ડને ક્વીન્સલેન્ડ પોલીસે દંડ ફટકાર્યો
• સાર્વજનિક સ્થળે હંગામો મચાવવા-વાતાવરણ બગાડવા બદલ દંડ

ઓસ્ટ્રેલિયાને વર્લ્ડ કપ જીતાડનાર કેપ્ટન માઈકલ ક્લાર્ક આ દિવસોમાં ચર્ચામાં છે. હાલમાં જ તેની ગર્લફ્રેન્ડ સાથે મારપીટનો વીડિયો વાયરલ થયો હતો, જેના પર હવે પોલીસે કાર્યવાહી હાથ ધરી છે. બંનેને પોલીસે દંડ ફટકાર્યો છે.

ક્લાર્કનો ગર્લફ્રેન્ડ સાથે લડાઈનો વીડિયો વાયરલ

ઓસ્ટ્રેલિયાના પૂર્વ કેપ્ટન માઈકલ ક્લાર્ક આ દિવસોમાં હેડલાઈન્સમાં છે, તેનું કારણ ક્રિકેટ કે કોમેન્ટ્રી નથી પરંતુ તેની ગર્લફ્રેન્ડ સાથે જાહેરમાં થયેલી લડાઈ છે. હાલમાં જ એક વીડિયો વાયરલ થયો છે, જેમાં માઈકલ ક્લાર્કની ગર્લફ્રેન્ડ જેડ તેને જાહેરમાં થપ્પડ મારી રહી છે. બંને વચ્ચે ઝઘડો થયો હતો, પોલીસે આ વિવાદની તપાસ હાથ ધરી હતી.

પોલીસે ભારે દંડ ફટકાર્યો

એક રિપોર્ટ અનુસાર, માઈકલ ક્લાર્ક અને તેની ગર્લફ્રેન્ડને ક્વીન્સલેન્ડ પોલીસે ભારે દંડ ફટકાર્યો છે. સાર્વજનિક સ્થળે હંગામો મચાવવા અને વાતાવરણ બગાડવા બદલ આ દંડ ફટકારવામાં આવ્યો છે.

વાતાવરણ બગાડવા બદલ બંનેને દંડ

પોલીસ દ્વારા જણાવવામાં આવ્યું છે કે હાલમાં જ નુસાવિલેના પાર્કમાં 30 વર્ષીય મહિલા, 41 વર્ષીય વ્યક્તિ પર જાહેરમાં મારપીટ કરવામાં આવી હતી. વાતાવરણ બગાડવા બદલ બંનેને દંડ ફટકારવામાં આવ્યો હતો અને હવે આ કેસ બંધ કરી દેવામાં આવ્યો છે.

ક્લાર્કનો વીડિયો સોશિયલ મીડિયા પર વાયરલ

રિપોર્ટ્સ અનુસાર, માઈકલ ક્લાર્ક અને તેની ગર્લફ્રેન્ડ વચ્ચે ચીટિંગને લઈને લડાઈ થઈ હતી જે રસ્તા સુધી પહોંચી ગઈ હતી. માઈકલ ક્લાર્કનો આ વીડિયો સોશિયલ મીડિયા પર વાયરલ થયો હતો, જેના પછી ઘણી વાતો થવા લાગી હતી.

BCCI ક્લાર્ક સાથે કરાર રદ્દ કરશે

જો કે, માઈકલ ક્લાર્કને પણ મોટું નુકસાન થયું છે કારણ કે તેનાથી તેની કોમેન્ટ્રી કરિયર પર અસર પડી શકે છે. ઓસ્ટ્રેલિયાની ટીમ ફેબ્રુઆરીમાં ભારત આવી રહી છે, આ સિરીઝ માટે માઈકલ ક્લાર્ક કોમેન્ટ્રી કરવાનો હતો. તેની પાસે લગભગ દોઢ મિલિયન ડોલરનો કોન્ટ્રાક્ટ છે. પરંતુ એવું માનવામાં આવે છે કે BCCI આ કરાર પર રદ્દ કરી રહ્યું છે અને માઈકલ ક્લાર્કને આ શ્રેણીમાંથી મુક્ત કરવામાં આવી શકે છે. માઈકલ ક્લાર્ક ક્રિકેટ જગતનું એક મોટું નામ છે અને ઓસ્ટ્રેલિયાને વર્લ્ડ કપ જીતાડનાર કેપ્ટન છે.