- 5 નવેમ્બરે ભારત અને સાઉથ આફ્રિકા વચ્ચે મેચ
- કોલકાતાના ઈડન ગાર્ડન ક્રિકેટ સ્ટેડિયમમાં મેચ
- શમીના નામની ક્રિકેટ જર્સી કોલકાતામાં આઉટ ઓફ સ્ટોક
ICC વર્લ્ડકપ 2023ની 37મી મેચ ભારત અને સાઉથ આફ્રિકા વચ્ચે કોલકાતાના ઈડન ગાર્ડન ક્રિકેટ સ્ટેડિયમમાં રમાશે. આ મેચ ખૂબ જ રોમાંચક રહેવાની અપેક્ષા છે, કારણ કે ભારત અને સાઉથ આફ્રિકા બંને આ વર્લ્ડકપની બે સૌથી સફળ ટીમો છે. આ મેચના એક દિવસ પહેલા સ્ટેડિયમની બહાર ફેન્સનો ક્રેઝ જોવા મળી રહ્યો છે. હજારો ફેન્સ આજે જ ઈડન ગાર્ડનની બહાર પહોંચી ગયા છે. ભારતીય ફાસ્ટ બોલર મોહમ્મદ શમી માટે ફેન્સમાં સૌથી વધુ ક્રેઝ જોવા મળી રહ્યો છે. સ્થિતિ એવી છે કે શમીના નામની ક્રિકેટ જર્સી કોલકાતામાં આઉટ ઓફ સ્ટોક છે.
મોહમ્મદ શમીનું વર્લ્ડકપમાં પ્રદર્શન
ફેન્સના ક્રેઝનો અંદાજ એ વાત પરથી લગાવી શકાય છે કે મોહમ્મદ શમીના નામવાળી જર્સીનો સ્ટોક ખતમ થઈ ગયો છે. સાઉથ આફ્રિકા સામે પણ મોહમ્મદ શમીનો જાદુ જોવા માટે ફેન્સ તૈયાર છે. મોહમ્મદ શમી આ વર્લ્ડકપમાં પોતાના બોલથી શાનદાર પ્રદર્શન કરી રહ્યો છે. શમીએ વર્લ્ડ કપની માત્ર 3 મેચમાં 14 વિકેટ ઝડપી છે. તેણે આ વર્લ્ડકપમાં પોતાની પ્રથમ મેચ ન્યૂઝીલેન્ડ સામે રમી હતી. આ મેચમાં તેણે 5 વિકેટ લીધી હતી.
મોહમ્મદ શમીના નામે નોંધાયા રેકોર્ડ
શમીએ વર્લ્ડકપની બીજી મેચ ઈંગ્લેન્ડ સામે રમી હતી. શમીએ આ મેચમાં પણ 4 વિકેટ ઝડપી હતી. આ પછી શ્રીલંકા સામે પણ મોહમ્મદ શમીનો ક્રેઝ જોવા મળ્યો હતો. શમીએ આ મેચમાં પણ 5 વિકેટ લીધી હતી. આ પ્રદર્શન સાથે શમીએ ઘણા રેકોર્ડ પણ પોતાના નામે કર્યા છે. વર્લ્ડકપમાં સૌથી વધુ વિકેટ લેવાથી લઈને ODI ક્રિકેટમાં સૌથી વધુ વખત 5 વિકેટ લેવાનો રેકોર્ડ પણ તેણે પોતાના નામે કર્યો છે. આ જ કારણ છે કે શમીને લઈને ચાહકોમાં જબરદસ્ત ક્રેઝ જોવા મળી રહ્યો છે. આથી કોલકાતામાં શમીના નામની ક્રિકેટ જર્સીનો સ્ટોક પણ ખતમ થઈ ગયો છે.
