- વર્લ્ડકપ 2023માં ભારતે શ્રલંકાને 302 રને હરાવ્યું
- મોહમ્મદ શમીએ વર્લ્ડકપમાં ત્રીજી વખત 5 વિકેટ ઝડપી
- ODI વર્લ્ડકપમાં ભારત માટે સૌથી વધુ વિકેટ લેનાર બોલર
મોહમ્મદ શમી ODI વર્લ્ડકપમાં ભારત માટે સૌથી વધુ વિકેટ લેનાર બોલર બની ગયો છે. તેણે ભૂતપૂર્વ દિગ્ગજ ઝડપી બોલર જવાગલ શ્રીનાથ અને ઝહીર ખાનને પાછળ છોડીને આ ઐતિહાસિક રેકોર્ડ હાંસલ કર્યો હતો. શમીએ ટૂર્નામેન્ટની 14મી ઇનિંગમાં 45 વિકેટ લીધી હતી. અનુભવી જવાગલ શ્રીનાથ અને ઝહીર ખાને ODI વર્લ્ડ કપમાં ભારત માટે 44-44 વિકેટ લીધી હતી.
મોહમ્મદ શમીએ વર્લ્ડકપ 2023માં મુંબઈના વાનખેડે સ્ટેડિયમમાં શ્રીલંકા સામે રમાયેલી મેચમાં એક અનોખી સિદ્ધિ હાંસલ કરી છે. શમીએ શ્રીલંકા સામે 5 ઓવરમાં માત્ર 18 રન આપીને 5 વિકેટ લીધી હતી. આ દરમિયાન તેણે એક મેડન ઓવર પણ કરી હતી.
મોહમ્મદ શમીએ 3 મેચમાં 14 વિકેટ લીધી
ODI વર્લ્ડકપ 2023ની ત્રીજી મેચ રમી રહેલ શમી ખૂબ જ સારા ફોર્મમાં જોવા મળી રહ્યો છે. તેણે 3 મેચમાં 14 વિકેટ લીધી છે. શમીએ ન્યૂઝીલેન્ડ સામેની પોતાની પ્રથમ મેચમાં 5 વિકેટ લીધી હતી. આ પછી તેણે ઈંગ્લેન્ડ સામે 4 ઈંગ્લિશ બેટ્સમેનોને પોતાનો શિકાર બનાવ્યા હતા. હવે શ્રીલંકા સામે તેણે ફરી પાંચ બેટ્સમેનોને પોતાની જાળમાં ફસાવ્યા હતા.
મિચેલ સ્ટાર્કની બરાબરી કરી
સમગ્ર વર્લ્ડકપમાં મોહમ્મદ શમીની ત્રીજી વખત પાંચ વિકેટ ઝડપી હતી, જેની સાથે તેણે ઓસ્ટ્રેલિયાના મિચેલ સ્ટાર્કની બરાબરી કરી હતી. શમી માટે, આ તેની ODI કારકિર્દીની ચોથી પાંચ વિકેટ ઝડપી હતી, જેની સાથે તે 4 વખત ODIમાં ભારત માટે સૌથી વધુ પાંચ વિકેટ ઝડપનાર બોલર બન્યો હતો. તેણે ભૂતપૂર્વ અનુભવી સ્પિનર હરભજન સિંહ અને ઝડપી બોલર જવાગલ શ્રીનાથને પાછળ છોડી દીધા છે, જેમણે તેમની કારકિર્દીમાં ODIમાં 3-3 વખત પાંચ વિકેટ ઝડપી હતી.
મોહમ્મદ શમીનું ODI પ્રદર્શન
મોહમ્મદ શમીએ પોતાના કરિયરમાં અત્યાર સુધી 97 ODI મેચ રમી છે, જેમાં તેણે 24.08ની એવરેજથી બોલિંગ કરતા 185 વિકેટ લીધી છે. જેમાં 10 વખત ચાર વિકેટ અને 4 વખત પાંચ વિકેટ હૉલનો સમાવેશ થાય છે.
