- નૈનિતાલના પહાડોમાં પડી કાર
- શમીએ જીવ બચાવવામાં કરી મદદ
- ફેન્સ આપી રહ્યા છે ઈન્સ્ટાગ્રામ પોસ્ટ પર રિએક્શન
ભારતીય ફાસ્ટ બોલર મોહમ્મદ શમી હાલમાં ખતમ થયેલી વર્લ્ડ કપ 2023માં સૌથી વધારે વિકેટ લેનારા ખેલાડી રહ્યા છે. આ ટૂર્નામેન્ટને ટીમ ઈન્ડિયા જીતવામાં સફળ રહી નથી. ફાઈનલ મેચમાં ઓસ્ટ્રેલિયાએ 6 વિકેટથી ટીમ ઈન્ડિયાને હરાવી અને છઠ્ઠી વખત વર્લ્ડ કપ જીત્યો છે. વર્લ્ડ કપ 2023માં ફક્ત 7 મેચ રમનારા શમીએ પોતાનું ખાસ પ્રદર્શન નોંધ્યું છે. આ પછી તે ચર્ચામાં રહ્યા છે. તેઓએ ઈન્સ્ટાગ્રામ પર એક વીડિયો પોસ્ટ કર્યો જેને જોઈને તમે ફરી એકવાર શમીના ફેન બની જશો.
શમીએ પોસ્ટ કર્યો આ વીડિયો
મોહમ્મદ શમીએ પોતાના ઈન્સ્ટાગ્રામ એકાઉન્ટ પર એક વીડિયો પોસ્ટ કર્યો છે. એક ભયંકર કાર એક્સીડન્ટ થયો જેમાં શમી એક દેવદૂત બન્યા. કાર અકસ્માતમાં ફસાયેલાનો જીવ બચાવ્યો. ઉત્તરાખંડના નૈનિતાલ પાસે કાર દુર્ઘટના ગ્રસ્ત થઈ. શમીએ ત્યાં ઊભા રહીને અંદર ફસાયેલા વ્યક્તિનું રેસ્ક્યૂ કર્યું અને તેનો જીવ બચાવ્યો. આ વીડિયોના કેપ્શનમાં શમીએ લખ્યું કે તે ભાગ્યશાળી છે કે ભગવાને તેને નવું જીવન આપ્યું. તેની કાર મારી કારની સામે નૈનિતાલના પહાડોમાં સડકથી નીચે પડી. આ પછી અમે તેમને સુરક્ષિત બહાર કાઢ્યા.
ફેન્સનું આવ્યું રિએક્શન
આ પોસ્ટ પર ફેન્સ ખાસ રિએક્શન આપી રહ્યા છે. એક યૂઝરે કમેન્ટમાં લખ્યું કે ભારતના લોકોની મંગલકામના તમારી સાથે છે. તો અન્ય યૂઝરે લખ્યું કે એક જ દિલ છે શમી ભાઈ...કેટલી વાર જીતશો. તો એક યૂઝરે લખ્યું, મેદાન પર ઘાતક, મેદાન બહાર દયાળુ વ્યક્તિ, ખરેખર લીજન્ડ.
