કોમનવેલ્થ ગેમ્સ અને એશિયન ગેમ્સને ધ્યાનમાં રાખીને મિશન ઓલિમ્પિક સેલ એ ભારતના સ્ટાર એથ્લીટ્સ માટે વિદેશી ટ્રેનિંગ કેમ્પને મંજૂરી આપી છે. બુધવારે યોજાયેલી MOCની 173મી બેઠકમાં બે વખતના ઓલિમ્પિક પદક વિજેતા નીરજ ચોપરાના 47 દિવસના સ્વિટ્ઝર્લેન્ડ ટ્રેનિંગ કેમ્પને મંજૂરી આપવામાં આવી હતી.
સ્વિટ્ઝર્લેન્ડના બિએન સ્થિત ઓલિમ્પિક ટ્રેનિંગ સેન્ટરમાં ટ્રેનિંગ લેશે
TOPS કોર ગ્રુપમાં સામેલ નીરજ ચોપરા હાલમાં તુર્કીમાં પીઠની ઈજામાંથી સાજા થઈ રહ્યા છે. તેઓ 25 મે થી 10 જુલાઈ દરમિયાન સ્વિટ્ઝર્લેન્ડના બિએન સ્થિત ઓલિમ્પિક ટ્રેનિંગ સેન્ટરમાં તાલીમ લેશે. તેમની સાથે લાંબા સમયથી જોડાયેલા ફિઝિયોથેરાપિસ્ટ ઈશાન મરવાહા અને કોચ જય ચૌધરી પણ રહેશે. 2026 કોમનવેલ્થ ગેમ્સ 23 જુલાઈથી 2 ઓગસ્ટ દરમિયાન સ્કોટલેન્ડના ગ્લાસગોમાં યોજાશે, જ્યારે એશિયન ગેમ્સ 19 સપ્ટેમ્બરથી 4 ઓક્ટોબર દરમિયાન જાપાનના આઈચી-નાગોયામાં યોજાશે.
