IPL: PBKSને મળ્યું નવું હોમ ગ્રાઉન્ડ, સ્ટેડિયમમાં હશે 12થી વધુ પિચ

• IPLમાં તમામ ટીમો પોતાના હોમ ગ્રાઉન્ડ પર રમે છે મોટાભાગની મેચો
  
• મોહાલી PCA નહીં પણ મુલ્લાનપુર સ્ટેડિયમમાં મેચ જોવા આવશે PBKSના ફેન્સ
• પંજાબ કિંગ્સ પણ તેના નવા હોમ ગ્રાઉન્ડ પર રમવા માટે તૈયાર

IPLમાં તમામ ટીમો મોટાભાગની મેચો પોતાના હોમ ગ્રાઉન્ડ પર રમે છે. દરેક ટીમને તેના હોમ ગ્રાઉન્ડ પર ચાહકોનો ઘણો સપોર્ટ મળે છે. હવે પંજાબ કિંગ્સ ટીમ તેના નવા હોમ ગ્રાઉન્ડ મુલ્લાનપુર સ્ટેડિયમમાં IPL 2024ની મેચો રમશે. તાજેતરમાં મુલ્લાનપુર સ્ટેડિયમનું કામ પૂર્ણ થયું છે.

પહેલા મોહાલી હતુ પંજાબ કિંગ્સનું હોમ ગ્રાઉન્ડ

પહેલા અત્યાર સુધી મોહાલી PCAને IPLમાં પંજાબ કિંગ્સની ટીમનું હોમ ગ્રાઉન્ડ માનવામાં આવતું હતું, પરંતુ આ વખતે પંજાબ કિંગ્સનું હોમ ગ્રાઉન્ડ બદલાવા જઈ રહ્યું છે. જે પછી પંજાબ કિંગ્સના ચાહકો મોહાલી PCA નહીં પણ મુલ્લાનપુર સ્ટેડિયમમાં મેચ જોવા આવશે.

IPL ફ્રેન્ચાઇઝીના અધિકારીઓ દ્વારા નિરીક્ષણ કરાયું

અહેવાલો અનુસાર, આ મામલાની માહિતી આપતા PCA સચિવ દિલશેર ખન્નાએ કહ્યું કે, નવા મુલ્લાનપુર સ્ટેડિયમનું IPL ફ્રેન્ચાઇઝીના અધિકારીઓ દ્વારા નિરીક્ષણ કરવામાં આવ્યું છે. જે બાદ હવે IPL 2024 દરમિયાન મુલ્લાનપુર સ્ટેડિયમમાં પંજાબ કિંગ્સની મેચો યોજાઈ શકે છે. કેટલાક કારણોસર, આ વખતે આઈપીએલની મેચો મોહાલીના પીસીએ સ્ટેડિયમમાં યોજાશે નહીં. તાજેતરમાં પંજાબ ક્રિકેટ એસોસિએશન દ્વારા આ નવા મુલ્લાનપુર સ્ટેડિયમનો એક વીડિયો શેર કરવામાં આવ્યો હતો. વીડિયોમાં આ નવું મેદાન બતાવવામાં આવ્યું હતું અને તેના વિશે સંપૂર્ણ માહિતી આપવામાં આવી હતી. હવે પંજાબ કિંગ્સ પણ તેના નવા હોમ ગ્રાઉન્ડ પર રમવા માટે તૈયાર છે.

આ સ્ટેડિયમની શું છે ખાસિયત

મુલ્લાનપુર સ્ટેડિયમમાં 30 હજાર દર્શકોની બેઠક ક્ષમતા છે. આ ઉપરાંત પાર્કિંગની પણ અદભૂત વ્યવસ્થા છે જેમાં એક સાથે 1800 કાર પાર્ક કરી શકાય છે. આ સિવાય સ્ટેડિયમમાં પ્રેક્ટિસ માટે 12 પીચ બનાવવામાં આવી છે. ખેલાડીઓ માટે ખૂબ જ સુંદર ડ્રેસિંગ રૂમ બનાવવામાં આવ્યા છે.

પંજાબ કિંગ્સે આ ખેલાડીઓને હરાજીમાં ખરીદ્યા

IPL 2024ની હરાજીમાં પંજાબ કિંગ્સે આ વખતે 8 ખેલાડીઓને ખરીદ્યા છે. જેમાં 6 ભારતીય અને 2 વિદેશી ખેલાડીઓનો સમાવેશ થાય છે. પંજાબ કિંગ્સે આ વખતે હરાજીમાં સૌથી મોંઘા ખેલાડી તરીકે ઝડપી બોલર હર્ષલ પટેલને ખરીદ્યો છે. હર્ષલ પટેલને પંજાબ કિંગ્સે 11.75 કરોડ રૂપિયામાં ખરીદ્યો હતો. કારણ કે હર્ષલ પટેલને હરાજી પહેલા રોયલ ચેલેન્જર્સ બેંગ્લોર દ્વારા બહાર પાડવામાં આવ્યો હતો.