- ભારત અને સાઉથ આફ્રિકા વચ્ચે રમાશે ફાઈનલ મેચ
- પ્લેયર ઓફ ધ ટુર્નામેન્ટ ખેલાડીઓને નોમિનેટ
- ટીમ ઈન્ડિયાના ત્રણ ખેલાડીઓનો સમાવેશ
T20 વર્લ્ડકપ 2024માં ઘણા ખેલાડીઓએ પોતાની ક્ષમતા બતાવી છે. ભારતીય ખેલાડીઓ ઉપરાંત વિદેશી ખેલાડીઓએ પણ પોતાની છાપ છોડી હતી. પરંતુ પ્લેયર ઓફ ધ ટુર્નામેન્ટનો એવોર્ડ કોને મળશે? વાસ્તવમાં ઘણા સિનિયર અને અનુભવી ખેલાડીઓ ઉપરાંત યુવા ખેલાડીઓને આ માટે નોમિનેટ કરવામાં આવ્યા છે. આ યાદીમાં ભારતીય ખેલાડીઓ પર નજર કરીએ તો રોહિત શર્મા સિવાય ફાસ્ટ બોલર જસપ્રિત બુમરાહ અને અર્શદીપ સિંહનો સમાવેશ કરવામાં આવ્યો છે.
કયા ખેલાડીઓને કરવામાં આવ્યા નોમિનેટ?
ભારતીય ખેલાડીઓ ઉપરાંત અફઘાનિસ્તાનના ઓપનર રહેમાનુલ્લા ગુરબાઝનું નામ સામેલ છે. અફઘાનિસ્તાનના ફઝલહક ફારૂકી પણ છે. આ સિવાય સાઉથ આફ્રિકાના 3 ખેલાડીઓને નોમિનેટ કરવામાં આવ્યા છે. સાઉથ આફ્રિકાના ખેલાડીઓ પર નજર કરીએ તો વિકેટકીપર બેટ્સમેન ક્વિન્ટન ડી કોક ઉપરાંત ફાસ્ટ બોલર એર્નિક નારખિયા અને સ્પિનર તબરેઝ શમ્સી છે. આ રીતે, રોહિત શર્મા સહિત 3 ભારતીય ખેલાડીઓ પ્લેયર ઓફ ધ ટુર્નામેન્ટ એવોર્ડ માટે નોમિનેટ થયા છે.
કયા દેશના કેટલા ખેલાડીઓનો સમાવેશ
આ સિવાય સાઉથ આફ્રિકાના 3 ખેલાડીઓ પ્લેયર ઓફ ધ ટુર્નામેન્ટ એવોર્ડ માટે નોમિનેટ થયા છે. જ્યારે અફઘાનિસ્તાનના 2 ખેલાડીઓના નામ આ યાદીમાં છે. જોકે, પ્લેયર ઓફ ધ ટુર્નામેન્ટનો એવોર્ડ કોને આપવામાં આવે છે તે જોવું રસપ્રદ રહેશે. આ ટૂર્નામેન્ટમાં ભારતીય ટીમનું પ્રદર્શન શાનદાર રહ્યું છે. ભારતે તેની પ્રથમ મેચ આયર્લેન્ડ સામે રમી હતી. આ પછી ટીમ ઈન્ડિયાએ આયરલેન્ડ સિવાય પાકિસ્તાન, અમેરિકા, બાંગ્લાદેશ, અફઘાનિસ્તાન, ઓસ્ટ્રેલિયા અને ઈંગ્લેન્ડને હરાવ્યું છે.
