- ભારત અને શ્રીલંકા વચ્ચે સિરીઝની બીજી વનડે રમાઈ રહી છે
- શ્રીલંકા સામેની બીજી વનડેમાં રોહિતે શાનદાર સ્પિન બોલિંગ કરી
- રોહિત શર્માએ બોલિંગમાં પોતાના નામે ખાસ સિદ્ધિ હાંસલ કરી
ટીમ ઈન્ડિયાનો કેપ્ટન રોહિત શર્મા તેની તોફાની બેટિંગ માટે જાણીતો છે, પરંતુ શ્રીલંકા સામેની બીજી વનડેમાં બોલિંગ કરતો જોવા મળ્યો હતો. શ્રીલંકા સામેની બીજી વનડેમાં રોહિતે શાનદાર સ્પિન બોલિંગ કરી હતી. જો કે તે વિકેટ લઈ શક્યો ન હતો, પરંતુ તે ઈકોનોમિકલ સાબિત થયો હતો. રોહિતે બે ઓવર નાંખી. જેમાં તેણે 11 રન આપ્યા હતા.
વિરાટ કોહલી ખુશ થઈ ગયો
રોહિત શ્રીલંકા માટે સરપ્રાઈઝ લઈને આવ્યો હતો. તેણે પહેલા 39મી ઓવર નાખી. જેમાં તેણે 6 રન આપ્યા હતા. આ પછી રોહિત 41મી ઓવર ફેંકીને પાછો ફર્યો. જેમાં હિટમેને 5 રન આપ્યા હતા. રોહિતની સ્પિન બોલિંગ જોઈને ફેન્સ પ્રભાવિત થયા હતા. રોહિતે આ દરમિયાન બે ડોટ બોલ ફેંક્યા. રોહિતની બોલિંગ જોઈને માત્ર ચાહકો જ ખુશ ન હતા, પરંતુ વિરાટ કોહલી પણ ખુશ દેખાતા હતા.
રોહિત શર્માએ બનાવ્યો ખાસ રેકોર્ડ
આ સાથે રોહિતે એક રેકોર્ડ પોતાના નામે કર્યો હતો. 37 વર્ષ અને 96 દિવસની ઉંમરે, રોહિત ટીમ ઈન્ડિયા માટે ODIમાં બોલિંગ કરનાર ત્રીજો સૌથી વૃદ્ધ સ્પિનર બની ગયો છે. આ મામલે તે રવિચંદ્રન અશ્વિન કરતા પણ આગળ નીકળી ગયો હતો. અશ્વિને 37 વર્ષ અને 21 દિવસની ઉંમરમાં આ રેકોર્ડ પોતાના નામે કર્યો હતો. આ યાદીમાં સચિન તેંડુલકર 38 વર્ષ અને 329 દિવસ સાથે ટોચ પર છે અને શ્રીનિવાસરાઘવન વેંકટરાઘવન 37 વર્ષ અને 351 દિવસ સાથે ટોચ પર છે.
લગભગ 9 મહિના પછી ODIમાં બોલિંગ
રોહિત છેલ્લે લગભગ 9 મહિના પહેલા ODIમાં બોલિંગ કરતો જોવા મળ્યો હતો. તેણે બેંગલુરુમાં 12 નવેમ્બર 2023ના રોજ નેધરલેન્ડ સામે બોલિંગ કરી હતી. આ દરમિયાન રોહિતે 5 બોલ ફેંક્યા અને એક વિકેટ લીધી. ODIમાં રોહિતની બોલિંગની વાત કરીએ તો તેણે 40 મેચની 264 ઇનિંગ્સમાં 9 વિકેટ ઝડપી છે. રોહિતે ટેસ્ટમાં પણ બોલિંગ કરી છે. તેણે 2 વિકેટ લીધી છે. T20માં તેના નામે એક વિકેટ છે.
