- ખેલાડી ઈજાગ્રસ્ત થવાના કારણે થયો ટીમથી બહાર
- સાઉથ આફ્રિકાની ટીમની વધી મુશ્કેલીઓ
- એનરિક નોર્ટજેને પીઠમાં ઈજા થવાનું આવ્યું સામે
ODI વર્લ્ડ કપ 2023 5 ઓક્ટોબરથી ભારતમાં રમાવવા જઈ રહ્યો છે. આ ટુર્નામેન્ટ માટે અત્યાર સુધીમાં 7 દેશોએ પોતાની ટીમની જાહેરાત કરી છે. પરંતુ આ ટૂર્નામેન્ટ પહેલા એક ટીમ માટે ખરાબ સમાચાર આવ્યા છે. આ ટીમનો એક સ્ટાર ફાસ્ટ બોલર આખી ટૂર્નામેન્ટમાંથી બહાર થઈ ગયો છે. આ ખેલાડી ઈજા સાથે સંઘર્ષ કરી રહ્યો છે. મોટા બેટ્સમેનોને પણ આ બોલરના ઝડપી બોલ સામે રમવામાં મુશ્કેલીનો સામનો કરવો પડે છે.
એનરિક નોર્ટજેને પીઠમાં ઈજા થઈ
વર્લ્ડ કપ 2023ની શરૂઆત પહેલા સાઉથ આફ્રિકાની ટીમને મોટો ઝટકો લાગ્યો છે. અહેવાલો અનુસાર, દક્ષિણ આફ્રિકાનો ઝડપી બોલર એનરિચ નોર્ટજે ભારતમાં આગામી વર્લ્ડ કપમાંથી બહાર થઈ ગયો છે. નોરખિયા (એનરિચ નોર્ટજે)નો વર્લ્ડ કપ માટે દક્ષિણ આફ્રિકાની 15-સભ્ય ટીમમાં સમાવેશ કરવામાં આવ્યો છે પરંતુ તે ઓસ્ટ્રેલિયા સામેની તાજેતરની પાંચ મેચોની શ્રેણીમાં માત્ર એક જ મેચ રમી શક્યો હતો. એનરિક નોર્ટજેને પીઠમાં ઈજા છે.
કિસ્તમે સતત બીજી વખત હાથતાળી આપી
દક્ષિણ આફ્રિકાની ટીમ 23 સપ્ટેમ્બરે ભારત જવા રવાના થશે. આવી સ્થિતિમાં તેને ટૂંક સમયમાં પોતાની બદલીની જાહેરાત કરવી પડી શકે છે. તમને જણાવી દઈએ કે એન્ડીલે ફેલુકવાયો દક્ષિણ આફ્રિકાની ટીમમાં વાપસી કરી શકે છે. તમને જણાવી દઈએ કે એનરિક નોર્ટજે ઈજાના કારણે વર્લ્ડ કપ 2019માં પણ રમી શક્યો નહોતો. અત્યાર સુધી તેણે દક્ષિણ આફ્રિકા માટે 22 વનડે મેચોમાં 27.27ની એવરેજથી 36 વિકેટ લીધી છે.
વર્લ્ડ કપ 2023 માટે દક્ષિણ આફ્રિકાની ટીમ
ટેમ્બા બાવુમા (કેપ્ટન), ગેરાલ્ડ કોએત્ઝી, ક્વિન્ટન ડી કોક, રીઝા હેન્ડ્રીક્સ, માર્કો જેન્સન, હેનરિક ક્લાસેન, સિસાન્ડા મગાલા, કેશવ મહારાજ, એડન માર્કરામ, ડેવિડ મિલર, લુંગી એનગીડી, એનરિચ નોરખિયા, કાગીસો રબાડા, તબરેઝ શમ્સી ડુસેન.
