સનરાઈઝર્સ હૈદરાબાદે લખનૌ સુપર જાયન્ટ્સને 10 વિકેટથી હરાવ્યું
LSGએ 20 ઓવરમાં 4 વિકેટ ગુમાવીને 165 રન બનાવ્યા
હૈદરાબાદે 9.4 ઓવરમાં ટાર્ગેટ હાંસલ કરી લીધો હતો

IPL 2024ની 57મી મેચમાં સનરાઈઝર્સ હૈદરાબાદે લખનૌ સુપર જાયન્ટ્સને 10 વિકેટથી હરાવ્યું હતું. ટોસ જીતીને પ્રથમ બેટિંગ કરવાનો નિર્ણય લેતા લખનૌ સુપર જાયન્ટ્સે 20 ઓવરમાં 4 વિકેટ ગુમાવીને 165 રન બનાવ્યા હતા. જવાબમાં હૈદરાબાદે 9.4 ઓવરમાં ટાર્ગેટ હાંસલ કરી લીધો હતો. હૈદરાબાદના ઓપનિંગ બેટ્સમેનોએ લખનૌના બોલરોને આવતાની સાથે જ સબક આપ્યો હતો. અભિષેક શર્મા અને ટ્રેવિસ હેડે એલએસજીના બોલરોને ધોઇ નાખ્યા અને પાવરપ્લેમાં 107 રન બનાવ્યા. પાવરપ્લેમાં બનાવેલ આ બીજો સૌથી વધુ સ્કોર છે. આ સીઝનની શરૂઆતમાં, SRH એ દિલ્હી કેપિટલ્સ સામે પ્રથમ 6 ઓવરમાં 125 રન બનાવ્યા હતા.

લખનૌની ઇનિંગ

12 ઓવરમાં માત્ર 66 રનમાં 4 વિકેટ ગુમાવી હોવા છતાં લખનૌ સુપર જાયન્ટ્સે 4 વિકેટે 165 રન બનાવ્યા હતા. આયુષ બદોની અને નિકોલસ પુરને 52 બોલમાં 99 રનની ભાગીદારી કરી હતી. બદોની 30 બોલમાં 55 રન બનાવીને અણનમ પરત ફર્યો હતો. તેના બેટમાંથી 9 ચોગ્ગા આવ્યા હતા. જ્યારે નિકોલસ પુરન 26 બોલમાં 6 ચોગ્ગા અને એક છગ્ગાની મદદથી 48 રન બનાવીને અણનમ પાછો ફર્યો હતો. હૈદરાબાદ તરફથી ભુવનેશ્વર કુમારે 12 રનમાં બે વિકેટ ઝડપી હતી.

હૈદરાબાદ IPLમાં પાવરપ્લેમાં બે વખત 100થી વધુ સ્કોર કરનારી પ્રથમ ટીમ બની છે. SRH સિવાય કોલકાતા નાઈટ રાઈડર્સે 2017માં RCB સામે પાવરપ્લેમાં 105 રન બનાવ્યા હતા. 2014માં ચેન્નાઈ સુપર કિંગ્સે પંજાબ કિંગ્સ સામે 100 રન બનાવ્યા હતા અને તે જ સિઝનમાં પંજાબ કિંગ્સે કોલકાતા નાઈટ રાઈડર્સ સામે પાવરપ્લેમાં 93 રન બનાવ્યા હતા.

આ જીત સાથે હૈદરાબાદની ટીમ પોઈન્ટ ટેબલમાં ત્રીજા સ્થાને આવી ગઈ છે. 7 જીત અને 5 હાર સાથે 12 મેચ બાદ તેમના 14 પોઈન્ટ છે. હૈદરાબાદનો નેટ રન રેટ +0.406 છે. તે જ સમયે, 12મી મેચમાં લખનૌની આ છઠ્ઠી હાર હતી. ટીમ 12 પોઈન્ટ અને -0.769ના નેટ રન રેટ સાથે છઠ્ઠા સ્થાને છે. હૈદરાબાદની આગામી મેચ 16 મેના રોજ ગુજરાત ટાઇટન્સ અને 19 મેના રોજ પંજાબ કિંગ્સ સામે છે. હૈદરાબાદની ટીમ આ બંને મેચ તેના હોમ ગ્રાઉન્ડ પર રમશે. તે જ સમયે, લખનૌની ટીમે 14 મેના રોજ અરુણ જેટલી સ્ટેડિયમમાં દિલ્હી અને 17 મેના રોજ વાનખેડેમાં મુંબઈનો સામનો કરવાનો છે.

IPL માં સૌથી વધુ પાવરપ્લે ટોટલ