- T20 વર્લ્ડકપમાં સુપર-8 મેચો રોમાંચક બની રહી છે
- ઈંગ્લેન્ડની ટીમ પર વર્લ્ડકપમાંથી બહાર થવાનો ખતરો
- સાઉથ આફ્રિકા, વેસ્ટ ઈન્ડિઝ, ઈંગ્લેન્ડ વચ્ચે રેસ
T20 વર્લ્ડકપમાં સુપર-8 મેચો રોમાંચક બની રહી છે. ગ્રુપ-2માં સમાવિષ્ટ સાઉથ આફ્રિકા, વેસ્ટ ઈન્ડિઝ, ઈંગ્લેન્ડ અને યુએસએ 2-2 મેચ રમી છે. હવે ચારેય ટીમોની છેલ્લી મેચ બાકી છે. આ સાથે જ વર્લ્ડ ચેમ્પિયન ઈંગ્લેન્ડની ટીમ પર વર્લ્ડકપમાંથી બહાર થવાનો ખતરો છે. સાઉથ આફ્રિકાના હાથે 7 રને કારમી હાર બાદ ઈંગ્લેન્ડની ટીમ માટે સેમીફાઈનલમાં પહોંચવું થોડું મુશ્કેલ બની ગયું છે. જોકે તે હજુ પણ રેસમાં છે. ઈંગ્લેન્ડે અત્યાર સુધી 2માંથી 1 મેચ જીતી છે અને 1માં હારનો સામનો કરવો પડ્યો છે. તેના 2 રન છે અને +0.412નો નેટ રન રેટ છે
યુએસ સામે જીત
જો ઇંગ્લેન્ડની ટીમ સેમિફાઇનલ માટે ક્વોલિફાય કરવા માંગે છે, તો સૌથી પહેલા તેણે રવિવારે યુએસએ સામેની છેલ્લી મેચમાં સારા માર્જિનથી જીત મેળવવી પડશે. આ સાથે તેને 4 પોઈન્ટ અને સારો નેટ રન રેટ મળશે. આ સાથે ઈંગ્લેન્ડે આશા રાખવી પડશે કે વેસ્ટ ઈન્ડિઝ સાઉથ આફ્રિકા સામેની મેચ હારે. આ સાથે વેસ્ટ ઈન્ડિઝના માત્ર 2 પોઈન્ટ બચશે. ત્યારે ઈંગ્લેન્ડ 4 પોઈન્ટ સાથે સેમીફાઈનલ માટે ક્વોલિફાઈ કરી શકે છે.
વેસ્ટ ઈન્ડિઝની જીતથી સમસ્યા હલ થઈ જશે
પરંતુ, જો વેસ્ટ ઈન્ડિઝ આ મેચ જીતશે તો તેને 4 પોઈન્ટ અને સારો નેટ રન રેટ પણ મળશે. જેના કારણે મામલો ઈંગ્લેન્ડ-વેસ્ટ ઈન્ડિઝ અને સાઉથ આફ્રિકા વચ્ચે નેટ રન રેટ પર અટકી જશે. આવી સ્થિતિમાં ઇંગ્લેન્ડને સાઉથ આફ્રિકાને પાછળ છોડવા માટે ઓછામાં ઓછા 10 રનથી યુએસએ સામેની મેચ જીતવી પડશે. જો માર્જિન 10 રનથી ઓછું હશે તો સાઉથ આફ્રિકા ક્વોલિફાય થશે. તે જ સમયે, જો વેસ્ટ ઈન્ડિઝ સાઉથ આફ્રિકાને કોઈપણ માર્જિનથી હરાવશે તો તે વધુ સારી નેટ રન રેટ હાંસલ કરીને ટોચ પર પહોંચી જશે. ત્યારે યુએસએ અને ઈંગ્લેન્ડ વચ્ચેની મેચના પરિણામની તેના પર કોઈ અસર નહીં થાય.
હવે પોઈન્ટ ટેબલની સ્થિતિ શું છે?
સાઉથ આફ્રિકા 2 મેચ જીત્યા બાદ 4 પોઈન્ટ અને +0.625ના નેટ રન રેટ સાથે ટોચ પર છે. વેસ્ટ ઈન્ડિઝ બીજા સ્થાને છે. જેની પાસે 2 મેચમાંથી એક જીત્યા અને હાર્યા પછી 2 પોઈન્ટ અને +1.814 નો નેટ રન રેટ છે. ઈંગ્લેન્ડ ત્રીજા સ્થાને છે. 2 મેચમાંથી એક જીત્યા અને એક હાર્યા બાદ ઈંગ્લેન્ડના 2 પોઈન્ટ અને નેટ રન રેટ 0.412 છે. યુએસએની ટીમ તેની બંને મેચ હારી છે. તેની પાસે શૂન્ય પોઈન્ટ છે અને નેટ રન રેટ -2.908 છે.
