T20 World Cup 2024: આ 5 ઓલરાઉન્ડર પર રહેશે દુનિયાની નજર

• T20 વર્લ્ડ કપમાં 20 ટીમો રમી રહી છે
  
• હાર્દિક પંડ્યા T20 વર્લ્ડ કપમાં 16 મેચ રમ્યો છે
• ઈમાદ વસીમ T20 વર્લ્ડ કપમાં 9 મેચ રમી ચૂક્યો છે

ભારતીય સમય અનુસાર 2 જૂનથી T20 વર્લ્ડ કપ શરૂ થવા જઈ રહ્યો છે. માત્ર દર્શકો જ આની આતુરતાથી રાહ જોઈ રહ્યા નથી, પરંતુ ખેલાડીઓ અને ટીમો પણ પોતાની તાકાત બતાવવા માટે તૈયાર છે. આ વખતે T20 વર્લ્ડ કપમાં 20 ટીમો રમી રહી છે. તમામ ટીમો પાસે એવા ઓલરાઉન્ડર છે જે અન્ય ટીમોને પરેશાન કરી શકે છે.

આ પાંચ ઓલરાઉન્ડર મેચને બદલી શકે છે

આ વખતે ટી20 વર્લ્ડ કપમાં રમી રહેલી 20 ટીમોમાંથી પાંચ એવી છે જેમના ઓલરાઉન્ડર મેચને રોમાંચક કરી શકે છે. જેમાં ભારતના હાર્દિક પંડ્યા, પાકિસ્તાનના ઈમાદ વસીમ, વેસ્ટ ઈન્ડિઝના આન્દ્રે રસેલ, શ્રીલંકાના વાનિન્દુ હસરાંગા અને ઓસ્ટ્રેલિયાના કેમરોન ગ્રીનનો સમાવેશ થાય છે.

હાર્દિક પંડ્યાઃ

હાર્દિક પંડ્યા T20 વર્લ્ડ કપમાં 16 મેચ રમ્યો છે. આ 16 મેચોમાં પંડ્યાએ 10 ઇનિંગ્સમાં બેટિંગ કરી છે. હાર્દિક પંડ્યાએ 10 ઇનિંગ્સમાં 136.54ના સ્ટ્રાઇક રેટથી 213 રન બનાવ્યા છે. તેણે T20 વર્લ્ડ કપમાં પણ અડધી સદી ફટકારી છે. T20 વર્લ્ડ કપમાં હાર્દિક પંડ્યાનો સર્વશ્રેષ્ઠ સ્કોર 63 રન છે. હાર્દિક પંડ્યાએ તેની T20 વર્લ્ડ કપ કારકિર્દીમાં 36 ઓવર ફેંકી છે. તેણે આ 36 ઓવરમાં 9.14ની ઈકોનોમી સાથે 13 વિકેટ પણ લીધી છે.

ઈમાદ વસીમઃ

ઈમાદ વસીમ T20 વર્લ્ડ કપમાં 9 મેચ રમી ચૂક્યો છે. વસીમે આ 9 મેચમાં 30 ઓવર ફેંકી છે. તેણે આ 30 ઓવરમાં 6.13ની ઈકોનોમીથી 7 વિકેટ પણ લીધી છે.

આન્દ્રે રસેલઃ

આન્દ્રે રસેલે T20 વર્લ્ડ કપમાં 22 મેચ રમી છે. આ 22 મેચોમાં રસેલે 18 ઇનિંગ્સમાં બેટિંગ કરી છે. આન્દ્રે રસેલે 18 ઇનિંગ્સમાં 139.82ની સ્ટ્રાઇક રેટથી 158 રન બનાવ્યા છે. ટી20 વર્લ્ડ કપમાં આન્દ્રે રસેલનો સર્વશ્રેષ્ઠ સ્કોર અણનમ 43 રન છે. આન્દ્રે રસેલે પોતાની T20 વર્લ્ડ કપ કારકિર્દીમાં 52.3 ઓવર ફેંકી છે. તેણે આ 52.3 ઓવરમાં 8.69ની ઈકોનોમી સાથે 18 વિકેટ પણ લીધી છે.

વનિન્દુ હસરંગાઃ

વનિન્દુ હસરંગાએ ટી20 વર્લ્ડ કપમાં 16 મેચ રમી છે. આ 16 મેચોમાં હસરંગાએ 11 ઇનિંગ્સમાં બેટિંગ કરી છે. વનિન્દુ હસરંગાએ 11 ઇનિંગ્સમાં 126.32ના સ્ટ્રાઇક રેટથી 144 રન બનાવ્યા છે. જેમાં એક અડધી સદીનો પણ સમાવેશ થાય છે. ટી20 વર્લ્ડ કપમાં વાનિંદુ હસરંગાનો સર્વશ્રેષ્ઠ સ્કોર 71 રન છે. વાનિંદુ હસરંગાએ તેની T20 વર્લ્ડ કપ કારકિર્દીમાં 61 ઓવર ફેંકી છે. તેણે આ 61 ઓવરમાં 5.82ની ઈકોનોમી સાથે 31 વિકેટ પણ લીધી છે.

કેમેરોન ગ્રીનઃ

કેમેરોન ગ્રીન ટી20 વર્લ્ડ કપમાં માત્ર એક જ મેચ રમ્યો છે. તે પણ વર્ષ 2022માં. પરંતુ કેમરૂન ગ્રીન અત્યાર સુધીમાં 8 આંતરરાષ્ટ્રીય ટી20 મેચ રમી ચૂક્યો છે. આ 8 મેચમાં તેણે 173.75ની સ્ટ્રાઈક રેટથી 139 રન બનાવ્યા છે. જેમાં 2 અડધી સદીનો પણ સમાવેશ થાય છે. કેમરૂન ગ્રીને 8 ઈન્ટરનેશનલ ટી20 મેચની 7 ઈનિંગ્સમાં પણ બોલિંગ કરી છે. ગ્રીને 8.90ની ઈકોનોમી સાથે 5 વિકેટ લીધી છે.