- વર્લ્ડકપ 2023માં આવ્યો રોમાંચક મોડ
- ભારતીય ટીમ વર્લ્ડકપના સેમીફાઈનલમાં પહોંચી
- ઓસ્ટ્રેલિયાના સેમીફાઈનલમાં પહોંચવા પર અસમંજસ
આ વર્લ્ડકપમાં ઓસ્ટ્રેલિયાની ક્રિકેટ ટીમની શરૂઆત સારી રહી નહતી. ઓસ્ટ્રેલિયાની અનુક્રમે ભારત અને સાઉથ આફ્રિકા સામે મેચમાં હાર થઈ હતી. જે બાદ એક સમય એવો આવ્યો કે જ્યારે પાંચ વખતની વર્લ્ડ ચેમ્પિયન ટીમ પોઈન્ટ ટેબલમાં સૌથી નીચે પહોંચી ગઈ હતી, પરંતુ તે પછી ઓસ્ટ્રેલિયન ક્રિકેટ ટીમે ધમાકેદાર વાપસી કરી અને એકબાદ એક સતત ચાર મેચ જીતીને 8 પોઈન્ટ પ્રાપ્ત કર્યા છે.
સેમીફાઇનલની રેસમાંથી ઓસ્ટ્રેલિયા કેવી રીતે બહાર થશે?
અત્યારે ઓસ્ટ્રેલિયન ટીમ પોઈન્ટ ટેબલમાં નંબર 3 પર છે અને સેમીફાઈનલમાં પહોંચવાની પ્રબળ દાવેદારમાંની એક છે. જો કે, અત્યાર સુધી માત્ર ભારતનું સેમીફાઈનલમાં સ્થાન નિશ્ચિત થયું છે, જેનો અર્થ એ છે કે ઓસ્ટ્રેલિયા પણ સેમીફાઈનલની રેસમાંથી બહાર થઈ શકે છે. ચાલો જાણીએ કે એવા કયા સમીકરણો સર્જાઈ શકે છે, જેના કારણે ઓસ્ટ્રેલિયા માટે સેમીફાઈનલમાં પહોંચવું મુશ્કેલ થઈ શકે છે.
ઓસ્ટ્રેલિયાએ જીતી 3 મેચ
ઓસ્ટ્રેલિયન ટીમ આ વર્લ્ડકપમાં અત્યાર સુધીમાં 6 મેચ રમી છે અને તે હજુ 3 મેચ રમશે. ઓસ્ટ્રેલિયાની આ ત્રણ મેચ ઈંગ્લેન્ડ, અફઘાનિસ્તાન અને બાંગ્લાદેશ સામે છે. આવી સ્થિતિમાં જો ઓસ્ટ્રેલિયન ટીમ આ ત્રણેય મેચ હારે છે તો તે સીધી સેમીફાઈનલમાંથી બહાર થઈ શકે છે.
- જો ઓસ્ટ્રેલિયન ટીમ બાકીની ત્રણમાંથી બે મેચ હારશે, તો સેમીફાઈનલની રેસમાં ખતરો ઉભો થઈ શકે છે, પરંતુ પછી અન્ય ટીમોના પરિણામોમાં પણ ફરક પડશે.
- જો ઓસ્ટ્રેલિયન ટીમ અફઘાનિસ્તાન સામેની ત્રણમાંથી કોઈ પણ મેચ હારે છે અને બાકીની બે મેચ જીતશે, તો તેનું સેમીફાઈનલનું સ્થાન મેળવવામાં મુશ્કેલી સર્જાઈ શકે છે.
- જો ઓસ્ટ્રેલિયન ટીમ તેની બાકીની ત્રણ મેચ જીતી જાય છે, તો તે અન્ય ટીમો પર આધાર રાખ્યા વિના સેમીફાઇનલમાં પોતાનું સ્થાન નિશ્ચિત કરી લેશે.
