વિરાટ કોહલીએ સોશિયલ મીડિયાથી કમાણી પર કર્યો ખુલાસો!

• વિરાટે સોશિયલ મીડિયાની કમાણી પર કર્યો ખુલાસો
  
• એક ઈન્સ્ટાગ્રામ પોસ્ટના 14 કરોડ રુપિયા લે છે કોહલી
• પોસ્ટ દ્વારા કમાણીના અહેવાલોને કોહલી ખોટા ગણાવ્યા

ભારતીય ક્રિકેટ ટીમના સ્ટાર બેટ્સમેન વિરાટ કોહલીની સોશિયલ મીડિયા કમાણી વિશે સમાચાર ઝડપથી ફેલાઈ રહ્યા હતા. ઘણા મીડિયા રિપોર્ટ્સમાં એવો દાવો કરવામાં આવી રહ્યો છે કે કોહલી એક ઇન્સ્ટાગ્રામ પોસ્ટ માટે લગભગ 14 કરોડ ભારતીય રૂપિયા લે છે. પરંતુ હવે ખુદ વિરાટ કોહલીએ આ વાતનો ખુલાસો કરતા કહ્યું કે આ વાત તદ્દન ખોટી છે.

કોહલીએ ટ્વીટ કરી આપી માહિતી

કોહલીએ એક ટ્વીટમાં પોતાની સોશિયલ મીડિયા કમાણી વિશે વાત કરી છે. કોહલીએ કહ્યું કે તેના વિશે અહીં અને ત્યાં જે પણ સમાચાર ફેલાઈ રહ્યા છે, તે બધા જૂઠાણા છે. કોહલીએ પોતાના ટ્વિટમાં લખ્યું છે કે, "જ્યારે હું જીવનમાં જે કંઈ પણ મળ્યું તેના માટે હું કૃતજ્ઞ અને ઋણી છું, પરંતુ મારી સોશિયલ મીડિયાની કમાણી અંગેના અહેવાલો સાચા નથી."

એટલે કે, હવે તે સંપૂર્ણપણે સ્પષ્ટ છે કે કોહલી એક ઇન્સ્ટાગ્રામ પોસ્ટ માટે 14 કરોડ ભારતીય રૂપિયા નથી લેતો. આ વાતનો ખુલાસો ખુદ કોહલીએ કર્યો છે. વિરાટ કોહલી ભારતમાં ઇન્સ્ટાગ્રામ પર સૌથી વધુ ફોલો કરવામાં આવતી સેલિબ્રિટી છે. ઈન્સ્ટા પર 256 મિલિયન લોકો તેને ફોલો કરે છે. કોહલી વિશ્વના સૌથી પ્રખ્યાત એથ્લેટમાંથી એક છે.

કોહલી ઘણીવાર ઇન્સ્ટાગ્રામ પર કંઇક ને કંઇક જાહેરાત કરતો જોવા મળે છે. વિરાટ કોહલી એડ દ્વારા સારી કમાણી કરે છે. પરંતુ તે સ્પષ્ટ નથી કે તેઓ એક પોસ્ટ માટે કેટલી ફી લે છે. કોહલીએ પોતે મીડિયા રિપોર્ટ્સના તમામ દાવાઓને રદિયો આપ્યો છે.

એશિયા કપ 2023થી પરત ફરશે

વિરાટ કોહલી આજકાલ કોઈપણ સીરિઝનો ભાગ નથી. હાલમાં જ તે વેસ્ટ ઈન્ડિઝના પ્રવાસ પર ટેસ્ટ અને વનડે સીરિઝ રમતા જોવા મળ્યો હતો. કોહલી સહિત ઘણા સ્ટાર ખેલાડીઓ વેસ્ટ ઈન્ડિઝ સામેની ટી-20 સીરિઝમાં ટીમ ઈન્ડિયાનો ભાગ ન હતા. આવી સ્થિતિમાં કોહલી 30 ઓગસ્ટથી શરૂ થઈ રહેલા એશિયા કપ દ્વારા વાપસી કરશે. એશિયા કપમાં ભારતીય ટીમ તેની પ્રથમ મેચ 2 સપ્ટેમ્બરે પાકિસ્તાન સામે રમશે.