Yuzvendra Chahal Birthday: ક્રિકેટર જ નહીં સરકારી ઓફીસર છે ચહલ, જાણો રેકોર્ડ

• ટીમ ઈન્ડિયાના સ્ટાર સ્પિનર યુઝવેન્દ્ર ચહલનો છે આજે જન્મદિવસ
  
• ચહલે ક્રિકેટની સફરમાં ઘણા ઉતાર ચઢાવ જોયા છે
• ઈન્કમટેક્સ વિભાગમાં ઈન્સ્પેક્ટર પણ છે યુઝવેન્દ્ર ચહલ

ટીમ ઈન્ડિયાનો સ્ટાર લેગ સ્પિનર યુઝવેન્દ્ર ચહલ આજે 23 જુલાઈએ પોતાનો 34મો જન્મદિવસ ઉજવી રહ્યો છે. તેણે પત્ની ધનશ્રી વર્મા સાથે પોતાનો ખાસ દિવસ ઉજવ્યો. જોકે તેની ક્રિકેટ કારકિર્દી ઉતાર-ચઢાવથી ભરેલી રહી છે. પસંદગીકારો તેને ટીમની અંદર અને બહાર લેતા રહે છે, પરંતુ તેણે ક્યારેય આ અંગે ફરિયાદ કરી નથી. સો

સરકારી ઓફિસર છે યુઝવેન્દ્ર ચહલ

ચહલની ક્રિકેટ સફર નાની ઉંમરથી શરૂ થઈ હતી. ઘણા સંઘર્ષનો સામનો કર્યા બાદ તેણે સફળતા મેળવી. યુઝવેન્દ્ર ચહલ ક્રિકેટર છે એ તો બધા જાણે છે, પરંતુ બહુ ઓછા લોકો જાણે છે કે તે ઈન્કમટેક્સ વિભાગમાં ઈન્સ્પેક્ટર પણ છે.

કરિયરના પાંચ મોટા રેકોર્ડ

T20I માં શ્રેષ્ઠ બોલિંગ આંકડા

યુઝવેન્દ્ર ચહલે T20I ક્રિકેટમાં ઘણા રેકોર્ડ પોતાના નામે કર્યા છે. તેમાંથી સૌથી યાદગાર રેકોર્ડ T20 ઈન્ટરનેશનલમાં ભારતની સર્વશ્રેષ્ઠ બોલિંગ ફિગરનો છે. વર્ષ 2017માં ઈંગ્લેન્ડ સામે ભારતીય ટીમે 25 રનમાં 6 વિકેટ ઝડપી હતી.

સૌથી ઝડપી 50 ODI વિકેટ લેનાર ભારતીય સ્પિનર

યુઝવેન્દ્ર ચહલ વનડેમાં સૌથી ઝડપી 50 વિકેટ લેનાર ભારતીય સ્પિનર બન્યો છે. તેણે તેની 24મી વનડે મેચ રમતા આ સિદ્ધિ મેળવી હતી અને આ દરમિયાન તેણે અજીત અગરકરનો રેકોર્ડ તોડ્યો હતો.

T20I શ્રેણીમાં સૌથી વધુ વિકેટ લેનારા બોલર

કુલદીપ યાદવની સાથે યુઝવેન્દ્ર ચહલ એવો ભારતીય બોલર છે જેણે T20 આંતરરાષ્ટ્રીય શ્રેણીમાં 14 વિકેટ લીધી છે. 18 જાન્યુઆરી 2019ના રોજ તેણે ઓસ્ટ્રેલિયા સામે આ રેકોર્ડ બનાવ્યો હતો.

ODIમાં ભારત માટે શ્રેષ્ઠ બોલિંગ ફિગર

યુઝવેન્દ્ર ચહલે વર્ષ 2019માં ઓસ્ટ્રેલિયા સામે 42 રન આપીને 6 વિકેટ લીધી હતી. આ સમયગાળા દરમિયાન, તે એવો બોલર બન્યો જેણે ODIમાં ભારત તરફથી બીજા શ્રેષ્ઠ બોલિંગ આંકડા હાંસલ કર્યા.

T20Iમાં 6 વિકેટ લેનારો પ્રથમ ભારતીય સ્પિનર

યુઝવેન્દ્ર ચહલે T20I ક્રિકેટમાં 6 વિકેટ લઈને ઈતિહાસ રચ્યો છે. 2017માં, ચહલે ઈંગ્લેન્ડ સામે 6 વિકેટ લીધી હતી અને T20 ઈન્ટરનેશનલમાં 6 વિકેટ લેનારો પ્રથમ ભારતીય સ્પિનર બન્યો હતો.