- તમારો પોતાનો નંબર લિંક રાખો
- અન્યને અપાવેલો નંબર લિંક હોય તો તેને હટાવી દો
- આધાર સાથે લિંક નંબરથી અયોગ્ય એક્ટિવિટી થશે તો દંડ કે જેલ થશે
આધાર કાર્ડ એક જરૂરી ડોક્યુમેન્ટ બની ગયું છે અને તેને તમામ જગ્યાએ ઉપયોગમાં લેવામાં આવી રહ્યું છે. નવી નોકરી કે શાળા-કોલેજથી લઈને ટ્રેન, ફ્લાઈટ ટિકિટમાં પણ તે જરૂરી છે. આ સિવાય સરકારી અને પ્રાઈવેટ કામમાં તેનો ઉપયોગ કરાય છે. પણ જો તમે આધાર સાથે ખોટું સિમ કાર્ડ લિંક કર્યું હશે તો તમારી મુશ્કેલીઓ વધી શકે છે અને જેલ કે દંડની સજા થઈ શકે છે. તો ફટાફટ ઓનલાઈન પ્રોસેસથી જાણો તમારું કયું સિમ આધાર સાથે લિંક છે.
જો તમારા આધારની સાથે કોઈ નકલી સિમ કાર્ડ લિંક છે કે પછી તમે પોતાના આધાર કાર્ડની સાથે કોઈ અન્યને સિમ કાર્ડ અપાવ્યું છે તો તેને તરત ઓનલાઈન પ્રોસેસથી હટાવી દો. નહીં તો તમારે નુકસાન સહન કરવું પડી શકે છે. કેમકે તમારા આધારથી લિંક મોબાઈલ નંબરથી કોઈ ક્રિમિનલ એક્ટિવિટી થાય છે તો તમારે જેલ કે દંડની સજા માટે તૈયાર રહેવું પડી શકે છે.
