ગુજરાતભરમાં કાળઝાળ ગરમીથી પરેશાન નાગરિકો માટે રાહતના સમાચાર આવ્યા છે. હવામાન વિભાગ દ્વારા રાજ્યમાં આગામી 5 દિવસ સુધી હળવાથી મધ્યમ વરસાદની સત્તાવાર આગાહી કરવામાં આવી છે. રાજ્યમાં આગામી 10 જૂન સુધી વરસાદી માહોલ સંપૂર્ણપણે યથાવત રહેશે, જેના કારણે તાપમાનમાં મોટો ઘટાડો નોંધાશે અને વાતાવરણમાં ઠંડક પ્રસરશે.
આ જિલ્લાઓમાં આજે વરસાદ
હવામાન વિભાગના જણાવ્યા અનુસાર, આજે 5 જૂનના રોજ સમગ્ર રાજ્યમાં મેઘમહેર જોવા મળી શકે છે. ખાસ કરીને ઉત્તર ગુજરાત, મધ્ય ગુજરાત, દક્ષિણ ગુજરાત અને સૌરાષ્ટ્રના વિવિધ ભાગોમાં ગાજવીજ સાથે વરસાદ પડવાની સંભાવના છે. ઉત્તર અને મધ્ય ગુજરાતના સાબરકાંઠા, અરવલ્લી, મહીસાગર, પંચમહાલ, દાહોદ, વડોદરા અને છોટાઉદેપુરમાં આજે વરસાદી માહોલ જામશે. આ ઉપરાંત સૌરાષ્ટ્રના દરિયાકાંઠાના વિસ્તારો જેવા કે ગીર સોમનાથ, અમરેલી અને ભાવનગરમાં પણ હળવા વરસાદી ઝાપટાં પડવાની શક્યતા છે
