- જર્મનીના વિદેશ મંત્રીના નિવેદનથી ચીન નાખૂશ
- ચીનની રાજકીય ગરિમાનું ઉલ્લંઘન કર્યાનો આરોપ
- રાજદ્વારી સ્તરે પેટ્રિશિયા સમક્ષ પોતાનો વિરોધ વ્યક્ત કર્યો
જર્મનીના વિદેશ મંત્રી એન્નાલેના બેરબોકે રાષ્ટ્રપતિ શી જિનપિંગને સરમુખત્યાર કહ્યા બાદ ચીન ગુસ્સે છે. મળતી માહિતી જો પુતિન યુક્રેન સામે યુદ્ધ જીતે છે, તો તે ચીનના રાષ્ટ્રપતિ જિનપિંગ જેવા વિશ્વભરના અન્ય તાનાશાહનને ખરાબ સંદેશો મળ્યો છે. ચીનના વિદેશ મંત્રાલયે જર્મન વિદેશ મંત્રીના આ નિવેદન સામે વાંધો ઉઠાવ્યો છે અને તેને વાહિયાત અને ચીનની રાજકીય ગરિમાનું ઉલ્લંઘન ગણાવ્યું છે. ચીનના વિદેશ મંત્રાલયે કહ્યું કે આ નિવેદન ચીનને ઉશ્કેરવા માટે આપવામાં આવ્યું છે.
બેરબોકે પોતાના નિવેદનમાં કહ્યં હતું કે, યુક્રેનને આ યુદ્ધ જીતવું પડશે જેથી કોઈ તાનાશાહ જીતી ન જાય. સ્વતંત્રતા અને લોકશાહી જીતવી જ જોઈએ. સીએનએન અનુસાર વિદેશ મંત્રીના નિવેદનથી નારાજ ચીને તરત જ ત્યાં હાજર જર્મન એમ્બેસેડર પેટ્રિશિયા ફ્લોરને બોલાવ્યા. તેમણે રાજદ્વારી સ્તરે પેટ્રિશિયા સમક્ષ પોતાનો વિરોધ વ્યક્ત કર્યો હતો. ચીનના વિદેશ મંત્રાલયે કહ્યું હતું કે - આ મૂળભૂત તથ્યોની તદ્દન વિરુદ્ધ છે. ઉપરાંત, બાઇડનનું નિવેદન રાજદ્વારી શિષ્ટાચારની વિરુદ્ધ છે.
બાઇડને જિનપિંગને તાનાશાહ કહ્યા
વિદેશ મંત્રાલયે કહ્યું- જર્મનીએ આપેલું નિવેદન વાહિયાત અને ચીનની રાજકીય ગરિમાનું ઉલ્લંઘન છે. ચીનને ઉશ્કેરવા માટે આ નિવેદન આપવામાં આવ્યું છે. અગાઉ જૂનમાં અમેરિકી રાષ્ટ્રપતિ બિડેને પણ શી જિનપિંગને સરમુખત્યાર કહ્યા હતા. આ પછી બેઇજિંગ તરફથી આકરી પ્રતિક્રિયા આવી હતી. ચીનના વિદેશ મંત્રાલયે કહ્યું હતું કે - આ મૂળભૂત તથ્યોની તદ્દન વિરુદ્ધ છે. ઉપરાંત, બિડેનનું નિવેદન રાજદ્વારી શિષ્ટાચારની વિરુદ્ધ છે.
ચીન પર નિર્ભરતા ઘટાડવાના પ્રયાસ
જર્મન સરકારે જુલાઈ 2023 માં પ્રથમ વખત તેની નવી ચીન નીતિ રજૂ કરી. આ દસ્તાવેજમાં ચીન પર જર્મનીની નિર્ભરતા ઘટાડવાની વાત કહેવામાં આવી હતી. આ નીતિ હેઠળ જર્મનીએ સંશોધનમાં સહકાર બંધ કરવાની જાહેરાત કરી હતી. 64 પાનાના દસ્તાવેજ અનુસાર, જર્મની ચીન સાથેના એવા પ્રોજેક્ટ્સમાંથી નાણાં ઉપાડવા માંગે છે જેમાં જ્ઞાન ટ્રાન્સફર થઈ શકે.
તે જ સમયે, જર્મનીની ગઠબંધન સરકાર કહે છે કે તે વિશ્વની બીજી સૌથી મોટી અર્થવ્યવસ્થા ચીનથી પોતાને સંપૂર્ણપણે અલગ કરવા માંગતી નથી. જર્મની નિકાસ આધારિત અર્થતંત્ર છે અને ચીન તેનું સૌથી મોટું બજાર છે. બેઇજિંગ સાથેના તણાવને કારણે જર્મનીની નિકાસ પર પણ અસર થશે. ચીનના વિદેશ મંત્રાલયે આ પગલાને જર્મનીની નવી ચીન નીતિ માટે નુકસાનકારક ગણાવ્યું છે.
