અમેરિકાના રાષ્ટ્રપતિ ડોનાલ્ડ ટ્રમ્પના ગોલ્ફ કોર્સ નજીક હવાઈ ક્ષેત્રમાં એક અજાણ્યા વિમાનના ઘૂસણખોરીને કારણે હંગામો મચી ગયો હતો. તેને યુએસ એફ-16 ફાઇટર જેટ દ્વારા અટકાવવામાં આવ્યું હતું. ત્યારબાદ, તેનો પીછો કરીને ભગાડી દેવામાં આવ્યું હતું. ટ્રમ્પની સુરક્ષામાં થયેલા ભંગથી વ્હાઇટ હાઉસ અને પેન્ટાગોનમાં પણ ખળભળાટ મચી ગયો છે. આ મામલાની તપાસ કરવામાં આવી રહી છે.
યુએસ ન્યૂઝ અનુસાર, આ ઘટના શનિવારે બની હતી. ન્યુ જર્સીના બેડમિન્સ્ટરમાં રાષ્ટ્રપતિ ડોનાલ્ડ ટ્રમ્પના ગોલ્ફ ક્લબની ઉપર એક સામાન્ય વિમાન અસ્થાયી રૂપે પ્રતિબંધિત હવાઈ ક્ષેત્રમાં ઘૂસણખોરી કરી હતી. આ પછી, સુરક્ષા વિભાગમાં ખળભળાટ મચી ગયો. જોકે, અમેરિકન એફ-16 ફાઇટર પ્લેને ઝડપથી તે વિમાનને અટકાવ્યું અને તેને વિસ્તારમાંથી બહાર કાઢ્યું. આ માહિતી યુએસ લશ્કરી દળો દ્વારા એક નિવેદનમાં આપવામાં આવી છે.
