273 પ્રવાસીઓને લઇને જઇ રહેલા એક વિમાનના એન્જિનમાં અચાનક આગ લાગી. આ ઘટનાનો વીડિયો સામે આવ્યો છે. ઉડાન ભર્યાના થોડાંક સમય બાદ વિમાનના એન્જીનમાં આગી ગઇ છે અને વિમાન ઘણી ઉંચાઇ પર ઉડાન ભરી રહ્યુ છે. વિમાન ગ્રીસના કોર્ફુથી જર્મની જઇ રહ્યુ હતુ.


Also Read

વિમાનમાં 273 યાત્રીઓ સહિત 8 ક્રૂ મેમ્બર હતા

મળતી માહિતી પ્રમાણે આ વિમાનમાં 273 યાત્રી અને 8 ક્રૂ મેમ્બર સવાર હતા. D-ABOK બોઇંગ 757-300 કોર્ફૂના રનવે 34થી ઉડાન ભરી ચૂક્યુ હતુ. ઉડાન ભર્યા બાદ તેના ડાબા એન્જિનમાં અચાનક કેટલાંક ધડાકા થયા અને આગ ભભૂકવા લાગી. 1500 ફીટની ઉંચાઇ પર એન્જીનમાં ખરાબી આવી. પરંતુ એક જ એન્જીન પર પાયલોટ વિમાનને 8000 ફીટની ઉંચાઇ પર લઇ ગયો. પાછા ફરવાની જગ્યાએ તે વિમાનને ઇટલી લઇ ગયો.

પાયલોટ એક એન્જીન પર ઇટલી વિમાન ઉતાર્યુ

આગ લાગ્યા બાદ પાયલોટે એ એન્જિન બંધ કરી દીધુ અને પછી ઇટલી તરફ લઇ ગયો. ઉડાન ભર્યાના લગભગ 30 મિનિટ બાદ વિમાન ઇટલીના બ્રિંડિસીમાં સુરક્ષિત રીતે લેન્ડિંગ કરાવ્યુ. ત્યાર બાદ બીજા એક બોઇંગ 757-300 વિમાન દ્વારા યાત્રીઓને રવાના કર્યા. જેનાથી ફ્લાઇટ 15.5 કલાક લેટ ડસેલડોર્ફ પર પહોંચી.


  • Follow us on: