ઇઝરાયલ અને ગાઝા વચ્ચેનો સંઘર્ષ થમવાનું નામ લેતો નથી. સતત બીજા દિવસે ઇઝરાયલે ગાઝા પર હુમલો કર્યો. ઇઝરાયલી રક્ષા દળોએ બુધવારે સતત બીજા દિવસે ગાઝા શહેર અને ખાન યુનિસ પર હુમલો કર્યો. તેમાં 25 લોકોના મોત થયા, જ્યારે 70થી વધુ લોકો ઘાયલ થયા. તે પહેલાં મંગળવારે ઇઝરાયલી સેનાએ દક્ષિણ લેબનાનમાં પેલેસ્ટિનિયન શરણાર્થી કેમ્પ પર હવાઈ હુમલો કર્યો હતો.
અલ-જઝીરાની રિપોર્ટ મુજબ, સીઝફાયર પછી ઇઝરાયલે ઉલ્લંઘન કરતા ગાઝા પર 393 હુમલા કર્યા છે, જેમાં 280 લોકોના મોત થયા અને 672 લોકો ઘાયલ થયા છે. સીએનએનની રિપોર્ટ મુજબ, ગયા મહિનામાં ઇઝરાયલી રક્ષા દળોએ એર સ્ટ્રાઈક કરી હતી. તેમાં ગાઝામાં 9 લોકોના મોત થયા હતા. આ હુમલો અમેરિકા દ્વારા સીઝફાયર કરાવ્યા બાદ થયો હતો.
પીએમ નેતન્યાહૂએ આપ્યા કડક નિર્દેશ
આ હુમલા અંગે ઇઝરાયલના પ્રધાનમંત્રી બેન્જામિન નેતન્યાહૂએ સેનાને આદેશ આપ્યો કે ગાઝા પર તરત અને વધુ જોરદાર હુમલા કરવામાં આવે. મીડિયા રિપોર્ટ મુજબ, ઇઝરાયલે આ માહિતી અમેરિકાને પણ આપી દીધી હતી. બીજી તરફ એક સૈન્ય અધિકારીએ જણાવ્યું કે હમાસે રફાહ વિસ્તારમાં તૈનાત ઇઝરાયલી સૈનિકો પર આરપીજી અને સ્નાઇપરથી ફાયરિંગ કર્યું. ત્યાર બાદ ઇઝરાયલના રક્ષા પ્રધાન ઇસ્ત્રાઇલ કૅટ્ઝે ચેતવણી આપી કે હમાસને તેની ભારે કિંમત ચૂકવવી પડશે અને ઇઝરાયલ તેનો તીવ્ર જવાબ આપશે.
ગાઝાના ભયાનક પરિસ્થિતિ
હુમલા બાદ ગાઝા સિવિલ ડિફેન્સે જણાવ્યુ કે ગાઝા સિટીના અલ-સબરા વિસ્તારમાં એક એરસ્ટ્રાઇકમાં ત્રણ મહિલાઓ અને એક પુરૂષનું મોત નીપજ્યુ છે. ખાન યુનિસમાં એક અન્ય હુમલામાં પાંચ, જેમાં બે બાળકો અને એક મહિલા સામેલ હતી, જેઓ માર્યા ગયા.
