India-Australia Ties: ભારત-ઓસ્ટ્રેલિયા વચ્ચે થઇ રક્ષા સમજૂતી, રાજનાથ સિંહ અને રિચર્ડ માર્લ્સ રહ્યા હાજર

ભારત અને ઓસ્ટ્રેલિયાએ અનેક મહત્વના રક્ષા સમજૂતી પર હસ્તાક્ષર કર્યા છે. સિડનીમાં આ સમજૂતી દરમિયાન ભારતીય રક્ષા મંત્રી રાજનાથ સિંહ અને ઓસ્ટ્રોલિયાઇ ડેપ્યુટી પીએમ અને રક્ષા મંત્રી રિચર્ડ માર્લ્સ હાજર રહ્યા. ત્યાર બાદ રક્ષા મંત્રીએ ઓસ્ટ્રેલિયાના વડાપ્રધાન સાથે પણ મુલાકાત કરી.

ભારત અને ઓસ્ટ્રેલિયાએ રક્ષા મંત્રી રાજનાથ સિંહ અને ઓસ્ટ્રેલિયાના ઉપ પ્રધાનમંત્રી અને રક્ષા મંત્રી રિચર્ડ માર્લેસની ઉપસ્થિતિમાં પ્રમુખ રક્ષા સમજૂતી પર હસ્તાક્ષર કર્યા. આપને જણાવી દઇએ કે રક્ષા મંત્રી રાજનાથ સિંહે બે દિવસીય પ્રવાસ હેઠળ તે સિડની પહોંચ્યા હતા.

ઓસ્ટ્રેલિયા અને ભારતની રક્ષા સમજૂતી સતત થઇ રહી છે મજબૂત

આ સમજૂતી બાદ ઓસ્ટ્રેલિયાઇ વડાપ્રધાન એન્થની અલ્બાનીઝે એક્સ પર એક પોસ્ટમાં લખ્યુ કે, ઓસ્ટ્રેલિયા અને ભારતની રક્ષા સમજૂતી સતત મજબૂત થતી જઇ રહી છે. જે વિશ્વાસ, સહિયારા હિતો અને શાંતિપૂર્ણ, સુરક્ષિત અને સમૃદ્ધ ઈન્ડો-પેસિફિક ક્ષેત્ર પ્રત્યેની પ્રતિબદ્ધતા પર આધારિત છે. ઓસ્ટ્રેલિયા-ભારત સંરક્ષણ પ્રધાનોના પ્રથમ સંવાદ માટે ઓસ્ટ્રેલિયાની તેમની પ્રથમ મુલાકાત પર ભારતીય સંરક્ષણ પ્રધાન રાજનાથ સિંહને મળીને ખૂબ આનંદ થયો.

સમજૂતી પર ઓસ્ટ્રેલિયાઇ રક્ષા મંત્રીનુ નિવેદન

તો આ સમજૂતી બાદ ઓસ્ટ્રેલિયાઇ ડેપ્યુટી પીએમ અને રક્ષા મંત્રી રિચર્ડ માર્લ્સે કહ્યુ કે મને લાગે છે કે આજનો દિવસ એટલો મહત્વ પૂર્ણ છે કે કારણ કે અમે જે ઉંડો વિશ્વાસ અને રાજનીતિક તાલમેલ જોઇ રહ્યા છે.તે હવે બંને સંરક્ષણ દળો વચ્ચેના ખૂબ ઊંડા ઓપરેશનલ-સ્તરના જોડાણમાં વ્યક્ત થઇ રહ્યો છે. અમારા ઓપરેશનલ કમાન્ડ્સ વચ્ચે સ્ટાફ વાટાઘાટોના સંદર્ભમાં અમે જે કરાર પર પહોંચ્યા છીએ તે અત્યંત મહત્વપૂર્ણ છે. અમે તેના વિશે ખૂબ જ ઉત્સાહિત છીએ.