ભારત સરકારે મુખ્ય આર્થિક સલાહકાર વી અનંત નાગેશ્વરને અમેરિકાના રાષ્ટ્રપતિ ડોનાલ્ડ ટ્રમ્પ તરફથી ભારત પર લાગુ કરવામાં આવેલા 50 ટકા ટેરિફના પ્રભાવને લઇને મોટુ નિવેદન આપ્યુ છે. અનંતે આ બાબતે કહ્યુ કે, ડોનાલ્ડ ટ્રમ્પ તરફથી ભારતીય સમાન પર લગાવવામાં આવેલો 50 ટકા ટેરિફ વધુ સમય માટે લાગુ નહીં થાય, કારણ કે ટ્રમ્પ દ્વારા લેવાયેલું આ પગલું લાંબા ગાળે બંને દેશો વચ્ચેના એકંદર સંબંધો માટે સકારાત્મક રહેશે નહીં.
25 ટકાના ટેરિફને કારણે વેપાર કરવો ખૂબ જ મુશ્કેલ થઈ જશે
આ સાથે, સી.ઈ.એ. અનંત નાગેશ્વરને આ ચેતવણી પણ આપી છે કે રશિયા પાસેથી કાચા ઓઇલની ખરીદી પર મૂકવામાં આવેલા 25 ટકાના ટેરિફને કારણે વેપાર કરવો ખૂબ જ મુશ્કેલ થઈ જશે અને ટ્રમ્પના આ પગલાની હાનિકારક અસરો વર્તમાન નાણાકીય વર્ષની બીજી અને ત્રીજી ત્રિમાસિકમાં જોવા મળી શકે છે. તેમણે આ ચિંતાનો પણ ઉલ્લેખ કર્યો કે જો સ્થિતિમાં કોઈ ફેરફાર નહીં થાય, તો તેની અસર આગામી નાણાકીય વર્ષ સુધી પણ રહી શકે છે.
20 દિવસના અંતરે ભારત પર મૂકાયો 50 ટકાનો ટેરિફ
ભારત સરકારના મુખ્ય આર્થિક સલાહકારનું આ નિવેદન ત્યારે આવ્યું છે જ્યારે ભારત અને અમેરિકા વચ્ચે ભારતીય ઉત્પાદનો પર મૂકવામાં આવેલા 50 ટકાના ટેરિફને લઈને તણાવ વધી રહ્યો છે. અમેરિકા એ રશિયન તેલ આયાત કરવા અંગે 27 ઓગસ્ટ, 2025ના રોજ ભારત પર ૨૫ ટકાનો ટેરિફ લાગુ કર્યો, જે 7ઓગસ્ટ, ૨૦૨૫ના રોજ ભારતમાં સહિત વિશ્વના અન્ય 70 દેશોમાં લાગુ કરાયેલા ૨૫ ટકાના ટેરિફ ઉપરાંત છે.
અમેરિકન ટેરિફ અંગે ભારતના મુખ્ય આર્થિક સલાહકારે શું કહ્યું?
નાગેશ્વરને મીડિયાને આપેલાં એક ઇન્ટરવ્યુ દરમિયાન કહ્યુ કે, મને લાગે છે કે ભારત પર આ હાઈ ટેરિફ લાંબા સમય સુધી નહીં રહે, પરંતુ આ ટૂંકા ગાળાનો જ રહેશે. એવા સંકેતો પણ મળ્યા છે કે હવે અમેરિકા એ સમજવા લાગ્યું છે કે ભારત પર ઊંચો ટેરિફ લગાવવાથી તેને પોતાની ઈચ્છિત ફળ નથી મળતા અને ભારત પર લગાવેલો ટેરિફ હવે અમેરિકા પર પણ વિપરિત અસર કરશે.
તેમણે કહ્યું, જો તમે મારી પાસે આ સંબંધમાં કોઈ પુખ્ત પુરાવા માંગશો, તો છેલ્લા કેટલાક દિવસોમાં મળેલા સંદેશાઓ સિવાય મારી પાસે એવું કંઈ નથી જે સ્પષ્ટ રીતે કહી શકે કે બીજો 25 ટકાનો ટેરિફ લાંબા સમય સુધી ભારત પર રહેશે. પરંતુ મને એવું લાગે છે કે આ લાંબા ગાળાનો નહીં, પરંતુ ખૂબ ટૂંકા ગાળાનો રહેશે. બીજી બાજુથી પણ નિશ્ચિત રીતે કોઈક હદ સુધી ફરી સંતુલન સ્થાપિત કરવાની કોશિશ જોવા મળશે.
