આંતરરાષ્ટ્રીય સ્તરે ભારતીય પાસપોર્ટની તાકાત વધી રહી છે અને તે હેનલે પાસપોર્ટ ઇન્ડેક્સ 2026માં 80માં ક્રમે પહોંચ્યો છે. જોકે, આ પ્રગતિની વચ્ચે પ્રવાસીઓ માટે એક માઠા સમાચાર એ છે કે, અત્યાર સુધી જે 57 દેશોમાં ભારતીયો વિઝા વગર કે સરળતાથી જઈ શકતા હતા, તે સંખ્યા હવે ઘટીને 55 થઈ ગઈ છે. ઈરાન અને બોલિવિયાએ ભારતીય નાગરિકો માટેના પ્રવેશ નિયમો કડક કરી દીધા છે.
ઈરાન
સુરક્ષાના જોખમે વિઝા મુક્તિ છીનવી ઈરાને અગાઉ ભારતીયોને મર્યાદિત સમય માટે વિઝા વગર પ્રવેશવાની છૂટ આપી હતી. પરંતુ, 2025ના અંતમાં કેટલીક ગંભીર ઘટનાઓ પ્રકાશમાં આવી હતી, જેમાં ભારતીયોને નોકરી કે ટ્રાંઝિટના બહાને બોલાવી અપહરણ અને ખંડણી જેવી ગુનાહિત પ્રવૃત્તિઓનો શિકાર બનાવવામાં આવ્યા હતા. આ સુરક્ષા જોખમોને ધ્યાનમાં રાખીને, ઈરાન સરકારે નવેમ્બર 2025થી સામાન્ય ભારતીય પાસપોર્ટ ધારકો માટેની વિઝા-ફ્રી સુવિધા નાબૂદ કરી છે. હવે ભારતીયોએ ઈરાન જવા માટે મુસાફરી પૂર્વે વિઝા મેળવવા અનિવાર્ય છે.
