ભારત સામે દ્વેષ રાખીને બેઠેલા અમેરિકાએ હજું વધારાનો ટેરિફ ઝીંકવાની વાત કરી છે. અમેરિકાના નાણાં મંત્રીએ એક ઇન્ટરવ્યુમાં કહ્યું કે જો અલાસ્કામાં પુતિન અને ટ્રમ્પ વચ્ચેની વાતચીત સફળ નહી થાય અને યુક્રેન સંઘર્ષ વિરામ પર સહમતિ નહી થાય તો ભારતે તેની કિંમત ચુકાવવી પડશે
શાંતિ ચર્ચા નિષ્ફળ જાય છે, તો તે ભારત પર વધારાનું ટેરિફ (શુલ્ક) લાદશે
અમેરિકા તરફથી ધમકી આપવામાં આવી છે કે જો અમેરિકાના પ્રમુખ ડોનાલ્ડ ટ્રમ્પ અને રશિયાના પ્રમુખ વ્લાદિમિર પુટિન વચ્ચે અલાસ્કામાં યોજાનારી શાંતિ ચર્ચા નિષ્ફળ જાય છે, તો તે ભારત પર વધારાનું ટેરિફ (શુલ્ક) લાદશે. હાલમાં ટ્રમ્પ ભારત પર પહેલેથી 50% ટેરિફ લાદી ચૂક્યા છે. હવે નવી ટેરિફ દરો 27 ઓગસ્ટથી લાગુ પડશે.
15 ઓગસ્ટે ટ્રમ્પ-પુટિન બેઠક, વિશ્વની નજર
15 ઓગસ્ટના રોજ અલાસ્કામાં ટ્રમ્પ અને પુટિન વચ્ચે યુક્રેન યુદ્ધ વિરુદ્ધ શાંતિ સંભવતાના મુદ્દે મહત્વપૂર્ણ બેઠક યોજાનાર છે. આ યુદ્ધને ત્રણ વર્ષથી વધુ સમય થઈ ગયો છે. સંભાવના છે કે આ બેઠક બાદ યુક્રેન અને રશિયા વચ્ચે સંધિનો માર્ગ ખુલશે.
અમેરિકી નાણામંત્રીની ચેતવણી
અમેરિકાના નાણામંત્રી સ્કોટ બેસેન્ટે ચેતવણી આપી છે કે જો આ બેઠક નિષ્ફળ જાય, તો ભારત પર "સેકન્ડરી ટેરિફ" વધારવામાં આવશે. બેસેન્ટે આપેલા ઇન્ટરવ્યુમાં જણાવ્યું હતું કે અમે પહેલાથી ભારત પર રશિયન તેલ ખરીદવા બદલ સેકન્ડરી ટેરિફ લગાવ્યા છે. જો ટ્રમ્પ-પુટિન બેઠક નિષ્ફળ જશે, તો આ ટેરિફ વધુ કડક અથવા વધારવામાં આવી શકે છે.”
ટ્રમ્પે પહેલેથી 25% પેનલ્ટી લગાવી છે
આ મહિનાની શરૂઆતમાં ટ્રમ્પે ભારત પર પહેલાથી લાગેલા 25% ટેરિફ સિવાય 25% પેનલ્ટી પણ લાદી હતી. ટ્રમ્પનો આરોપ છે કે ભારત રશિયા પાસેથી તેલ ખરીદીને યુક્રેન યુદ્ધને ફંડ કરી રહ્યું છે.
ટ્રમ્પના યુદ્ધ રોકવાના પ્રયાસો
જાન્યુઆરીમાં પુનઃ રાષ્ટ્રપતિ બન્યા પછીથી ટ્રમ્પ યુક્રેન-રશિયા યુદ્ધમાં સીજફાયર (યુદ્ધવિરામ) માટે પ્રયાસ કરી રહ્યા છે. બુધવારે તેમણે ચેતવણી આપી કે જો પુટિને શાંતિ સંધિ નથી સ્વીકારી, તો ગંભીર પરિણામો આવશે.
ભારત-રશિયા તેલ વેપાર વિવાદ
યુદ્ધ પછી ભારતે સસ્તું રશિયન ક્રૂડ ઓઇલ વધુ માત્રામાં આયાત કરવાનું શરૂ કર્યું. 2024માં ભારતના કુલ તેલ આયાતમાં રશિયાની હિસ્સેદારી 35–40% હતી, જ્યારે 2021માં માત્ર 3% હતી. આથી ભારત-અમેરિકા વચ્ચેના સંબંધોમાં તણાવ આવ્યો છે, અને વેપાર વાતચીત પણ પ્રભાવિત થઈ છે.
ભારતનું સ્પષ્ટ નિવેદન
ટ્રમ્પના આરોપો પર ભારતે જવાબ આપ્યો છે કે એક મોટા ઊર્જા આયાતકાર તરીકે ભારતને સૌથી સસ્તું તેલ લેવા મજબૂર થવું પડે છે, જેથી કરોડો ગરીબ ભારતીયોને મોંઘવારીથી બચાવી શકાય.વડાપ્રધાન નરેન્દ્ર મોદીએ પણ સ્પષ્ટતા કરી છે કે મારા માટે દેશવાસીઓની જરૂરિયાત પહેલાની પ્રાથમિકતા છે.
