Mathura Sridharan ભારતીય મહિલાએ જાતિવાદી હિંસાનો કર્યો સામનો, જાણો શું છે મામલો?

વિદેશમાં ભારતીયો પર જાતિવાદી હિંસાના મામલાઓ વધી રહ્યા છે. હવે અમેરિકામાં હાઇપ્રોફાઇલ પદ પર કાર્યભાર સંભાળનાર ભારતીય મહિલાને જાતિવાદી હિંસાનો સામનો કરવો પડ્યો છે. આ મામલો ઓહાયો રાજ્યના 12મી સોલિસિટર જનરલના રુપમાં ભારતીય મૂળના મૈથુરા શ્રીધરન સાથે જોડાયેલો છે. તેમની નિયુક્તિ થતા જ ઓનલાઇન વિવાદ શરુ થયો હતો. આ વિવાદનો મુખ્ય મુદ્દો એ હતો કે કેમ નોન-યૂએસ ઓરિજિન વ્યક્તિને આ પદ સોંપવામાં આવ્યુ છે. તેઓએ આ પદ માટે મૈથુરા શ્રીધરનને અયોગ્ય ઠેરવી છે.

સોશિયલ મીડિયા પર વિવાદ

આ સમગ્ર વિવાદ બાદ ઓહાયોના અટોર્ની જનરલ ડેવ યોસ્ટે સ્પષ્ટતા આપી છે. અને ટ્રોલ્સની આ વાતોને અજ્ઞાનતાની પરિભાષા જણાવી છે. તેઓએ સ્પષ્ટતા કરી છે કે, મૈથુરા શ્રીધરન અમેરિકી નાગરિક છે. અમુક લોકો વિચારે છે કે, મૈથુરા શ્રીધરન અમેરિકી નાગરિક નથી. પરંતુ તેઓ સંપૂર્ણ રીતે અમેરિકી નાગરિક છે. તેમના લગ્ન પણ અમેરિકી નાગરિક સાથે થયા છે. અટોર્ની જનરલે વધુમાં જણાવ્યુ હતુ કે, જો તમને તેમનો રંગ-રૂપ, વ્યક્તિત્વથી પરેશાની છે. તો મુશ્કેલી તમારા દ્રષ્ટીકોણમાં છે. મૈથુરા શ્રીધરન પ્રતિભાશાળી વ્યક્તિ છે. તેઓએ ગયા વર્ષે સુપ્રીમ કોર્ટમાં એક કેસ પણ જીત્યો છે.

યુઝર્સની વિવાદીત ટિપ્પણી

ટ્રોલર મૈથુરા શ્રીધરનની ધાર્મિક ઓળખ પર પણ સવાલ ઉઠાવી રહ્યા છે. સોશિયલ મીડિયા પર યૂઝરે કહ્યુ હતુ કે, શુ તેઓ ખ્રિસ્તી છે. તેઓ માથે બિન્દી કેમ લગાવે છે. તેઓ ભારતીય છે. તો અમેરિકીનું મોટુ પદ તેમને કેમ આપ્યુ છે. તેમની વફાદારી તેમના દેશ માટે હોવી જોઇએ. ન કોઇ પદ માટે. મૈથુરા શ્રીધરને ન્યૂયોર્ક યુનિવર્સિટી સ્કૂલ ઓફ લોથી જૂરીસ ડૉક્ટરેટની ડિગ્રી હાંસલ કરી છે. આ સિવાય તેમની પાસે મૈસાચુસેટ્સ ઇન્સ્ટીટ્યુટ ઓફ ટેક્નોલોજીથી ઇલેક્ટ્રીકલ એન્જિનીયર અને કોમ્પ્યુટર સાયન્સમાં માસ્ટર્સ અને બેચલર ડિગ્રી પણ મેળવી છે.