મળતી માહિતી અનુસાર, ગુરુવારે અફઘાનિસ્તાન સાથેની પાકિસ્તાનની ઉત્તર-પશ્ચિમ સરહદ નજીક આતંકવાદીઓ સાથેની ગોળીબારમાં પાકિસ્તાનના ચાર સૈનિકો માર્યા ગયા હતા. આ અથડામણ દરમિયાન પાંચ અફઘાની આતંકવાદીઓ પણ માર્યા ગયા હતા. આ એન્કાઉન્ટર અફઘાન સરહદની બાજુમાં આવેલા દક્ષિણ વઝીરિસ્તાનના આદિવાસી વિસ્તારમાં થયું હતું. આ એક એવો વિસ્તાર છે જે લાંબા સમયથી સરહદની બંને બાજુ કાર્યરત આતંકવાદીઓ માટેનો ગઢ છે.
મળતી માહિતી અનુસાર, આતંકવાદીઓ પાકિસ્તાનમાં હુમલાની યોજના બનાવવા અને તાલીમ આપવા માટે અફઘાનિસ્તાનની જમીનનો ઉપયોગ કરે છે, જ્યારે કાબુલે આરોપને નકારી કાઢતા કહ્યું કે આતંકવાદ દક્ષિણ એશિયાઈ રાષ્ટ્ર માટે ઘરેલું સમસ્યા છે.
પાકિસ્તાનમાં તહેરીક-એ-તાલિબાન પાકિસ્તાન નામના આતંકવાદીઓનું એક જૂથ સરકારને ઉથલાવી દેવા અને તેની જગ્યાએ તેની પોતાની કઠોર ઈસ્લામિક સિસ્ટમ લાવવાના પ્રયાસમાં વર્ષોથી પાકિસ્તાન અને તેના દળો પર હુમલો કરી રહ્યું છે. તેણે ગયા વર્ષે સરકાર સાથે યુદ્ધવિરામ રદ કર્યો ત્યારથી તેણે હુમલામાં વધારો કર્યો છે, તેના પર યુદ્ધવિરામનું ઉલ્લંઘન કરવાનો આરોપ મૂક્યો છે.
ઉલ્લેખનીય છે કે, આતંકવાદીઓ સતત પાકિસ્તાની સેના અને પોલીસ પર હુમલા કરી રહ્યા છે. ગયા મહિને પણ આતંકી હુમલામાં 10 જવાનો મોતને ભેટયા હતા. આ હુમલો ઉત્તર-પશ્ચિમ શહેર ડેરા ઈસ્માઈલ ખાન પાસે એક ચેકપોઈન્ટ પર થયો હતો. આ હુમલામાં પાકિસ્તાની ફ્રન્ટિયર પોલીસના 10 જવાનોના મોત થયા હતા. જેમાં ત્રણ પોલીસકર્મી ઈજાગ્રસ્ક થયા હતા. આની પાછળ તહેરીક-એ-તાલિબાન એટલે કે ટીટીપી હોવાનું કહેવાય છે. આ પહેલા 24 ઑક્ટોબરે TTPએ ડેરા ઈસ્માઈલ ખાનમાં સુરક્ષાદળો પર પણ હુમલો કર્યો હતો.
