- ઇઝરાયેલની સેનાએ હમાસ સામેના હુમલા તેજ કર્યા
- ઈઝરાયેલની સેના તેની ટેન્ક સાથે ગાઝામાં પ્રવેશી
- ઈઝરાયલી સૈનિકોએ કથિત રીતે ગાઝા શહેરમાં ઈઝરાયેલનો ધ્વજ ફરકાવ્યો
ઈઝરાયલ અને હમાસ વચ્ચે ચાલી રહેલા યુદ્ધને ત્રણ અઠવાડિયા વીતી ગયા છે પરંતુ હજુ પણ તે અટકવાના કોઈ સંકેત નથી. ઇઝરાયેલની સેનાએ હમાસ સામેના હુમલા તેજ કર્યા છે. ઈઝરાયેલની સેના ધીમે ધીમે ગાઝામાં પ્રવેશી રહી છે અને તેની ટેન્ક પણ ગાઝામાં પ્રવેશી રહી છે. આ દરમિયાન ગાઝા પટ્ટીમાં ઘૂસેલા ઈઝરાયલી સૈનિકોએ કથિત રીતે ગાઝા શહેરમાં ઈઝરાયેલનો ધ્વજ ફરકાવ્યો છે. આનો એક વીડિયો ઇઝરાયેલની પત્રકારે શેર કર્યો છે.
ગાઝામાં ઈઝરાયેલનો ધ્વજ ફરકાવ્યો
ઇઝરાયેલ પત્રકારે પોસ્ટ કરીને દાવો કર્યો છે કે, 'ઈઝરાયેલી સૈનિકોએ ગાઝા પટ્ટીમાં ઈઝરાયેલનો ધ્વજ ફરકાવ્યો હતો. જેમ NIA એ ISIS ને હરાવ્યું તેમ અમે હમાસ ને હરાવી રહ્યા છીએ. કટ્ટરપંથી ઇસ્લામ માનવતાનો દુશ્મન છે. ઇઝરાયેલ આ વિશ્વને વધુ સારી જગ્યા બનાવી રહ્યું છે.
કરો અથવા મરો પરિસ્થિતિ:નેતન્યાહુ
આ દરમિયાન ઈઝરાયેલના વડાપ્રધાન બેન્જામિન નેતન્યાહુએ સ્પષ્ટ કર્યું છે કે હમાસ વિરુદ્ધ ચાલી રહેલું આ યુદ્ધ લાંબુ અને મુશ્કેલ હશે. હમાસે માંગ કરી હતી કે ઇઝરાયેલ તમામ પેલેસ્ટિનિયન કેદીઓને મુક્ત કરે અને બદલામાં તે બંધક બનેલા તમામ ઇઝરાયેલ નાગરિકોને મુક્ત કરે.
મીડિયા સાથે વાત કરતા નેતન્યાહુએ કહ્યું હતું કે, 'એવી ક્ષણો આવે છે જ્યારે રાષ્ટ્ર બે શક્યતાઓનો સામનો કરે છે કરો અથવા મરો. હવે અમે એ જ કસોટીમાંથી પસાર થઈ રહ્યા છીએ અને મને કોઈ શંકા નથી કે તે કેવી રીતે સમાપ્ત થશે. અમે કરીશું અને અમે વિજેતા બનીશું.
નેતન્યાહુની ચેતવણી
બેન્જામિન નેતન્યાહુએ શનિવારે જણાવ્યું હતું કે ઇઝરાયલી દળોએ ગાઝા યુદ્ધનો બીજો તબક્કો શરૂ કરી દીધો છે અને હમાસના લડવૈયાઓ સામે જમીની કાર્યવાહી શરૂ કરી છે. તેમણે કહ્યું હતું કે દુશ્મન આકાશમાં છુપાયેલો હોય કે અંડરવર્લ્ડમાં,તે તેને શોધીને તેનો નાશ કરશે.
શુક્રવારે મધ્યરાત્રિએ ગાઝા પર થયેલા ભારે બોમ્બમારા અંગે નેતન્યાહૂએ કહ્યું હતું કે, 'ગઈકાલે સાંજે અમારી સેના ગાઝામાં પ્રવેશી હતી. આ આ યુદ્ધના બીજા તબક્કાની શરૂઆત છે જેનો ધ્યેય હમાસના દળોનો નાશ અને આપણા બંધકોની સુરક્ષિત પરત ફરવાનો છે. અમે યુદ્ધ કેબિનેટ અને સુરક્ષા કેબિનેટની બેઠકમાં સર્વસંમતિથી ગ્રાઉન્ડ ઓપરેશનને વિસ્તૃત કરવાનો નિર્ણય લીધો હતો. અમે આ નિર્ણય સંતુલિત રીતે લીધો છે.
બખ્તરબંધ વાહનો ગાઝામાં પ્રવેશ્યા
આ દરમિયાન ઇઝરાયેલી સેનાએ ઉત્તરી ગાઝા અને ગાઝા શહેરના રહેવાસીઓને તાત્કાલિક દક્ષિણ તરફ આગળ વધવા કહ્યું છે. ઈઝરાયેલની સેનાએ કહ્યું હતું કે, 'આ એક અસ્થાયી પગલું હશે. હમાસે હુમલો કરીને તમારો જીવ જોખમમાં મૂક્યો છે. અમે હમાસનો ખતરો ખતમ કરવા માંગીએ છીએ. પ્રવક્તાએ એક વિડિયો સંદેશમાં જણાવ્યું હતું કે દુશ્મનોના વિનાશ બાદ નાગરિકો માટે ઉત્તર ગાઝામાં પરત ફરવું શક્ય બની શકે છે. તમારી કાર્યકારી વિંડો હવે બંધ થઈ રહી છે, તમારી સલામતી માટે દક્ષિણ તરફ આગળ વધો. આ માત્ર એક સાવચેતી નથી તે એક તાકીદની અપીલ છે.
આ પહેલા ઈઝરાયેલના સૈનિકો રાત્રે થોડો સમય જમીન માર્ગે ગાઝામાં પ્રવેશ્યા હતા અને પછી પાછા ફર્યા હતા. તેનો વીડિયો પણ જાહેર કરવામાં આવ્યો છે જેમાં ગાઝાના રેતાળ વિસ્તારોમાં બખ્તરબંધ વાહનો દેખાઈ રહ્યા છે.
હમાસે ઈઝરાયેલને ઓફર કરી
હમાસે કહ્યું છે કે તે અપહરણ કરાયેલા બંધકોને છોડવા માટે તૈયાર છે પરંતુ આ માટે ઇઝરાયલે તેના દ્વારા પકડાયેલા તમામ પેલેસ્ટિનિયન કેદીઓને મુક્ત કરવા પડશે.હમાસના એઝેદ્દીન અલ-કાસમ બ્રિગેડના પ્રવક્તા અબુ ઓબૈદાએ જણાવ્યું હતું કે, 'અમે અપહરણ કરાયેલા બંધકોને મુક્ત કરવા પડશે. તમામ પેલેસ્ટિનિયન કેદીઓની જેલો ખાલી કરીને મોટી સંખ્યામાં દુશ્મન બંધકોની કિંમત ચૂકવો. જો દુશ્મન કેદીઓની આ ફાઇલ એક જ સમયે બંધ કરવા માંગે છે, તો અમે તેના માટે તૈયાર છીએ. જો તે તબક્કાવાર બંધ કરવા માંગે છે, તો અમે તેના માટે પણ તૈયાર છીએ.
ગાઝામાં આશરે 230 બંધકોને રાખવામાં આવ્યા છે ઇઝરાયેલી સૈન્ય અનુસાર, અધિકારીઓએ જણાવ્યું હતું કે તેમાંથી ડઝનેક વિદેશી અથવા દ્વિ નાગરિકો છે. આ અઠવાડિયાની શરૂઆતમાં હમાસની બ્રિગેડે જણાવ્યું હતું કે ઇઝરાયેલના હુમલામાં "લગભગ 50" બંધકો માર્યા ગયા હતા.
