- ઇઝરાયેલ- હમાસ વચ્ચેનું યુદ્ધમાં અમેરિકાએ આપ્યો સાથ
- હમાસ અને પેલેસ્ટિનિયનને ગેરકાયદેસર ઈરાની ફંડિંગ મોકલ્યું
- આતંકવાદી જૂથને નાણાં પૂરા પાડવામાં આવ્યા હોવાનો આક્ષેપ
20 દિવસથી ચાલી રહેલું ઇઝરાયેલ- હમાસ વચ્ચેનું યુદ્ધ યથાવત છે. તેવામાં અમેરિકાએ શુક્રવારે હમાસ સાથે જોડાયેલા મુખ્ય અધિકારીઓ, નાણાકીય નેટવર્ક અને ઈરાન સ્થિત સંગઠનોને નિશાન બનાવતા નવા પ્રતિબંધોની જાહેરાત કરી હતી. આ તમામ આતંકવાદી જૂથને નાણાં પૂરા પાડવામાં સામેલ હતા. અમેરિકાના ટ્રેઝરી ડિપાર્ટમેન્ટે 7 ઓક્ટોબરે ઈઝરાયેલ પર થયેલા હુમલા બાદ લાદવામાં આવેલા આ પ્રતિબંધોની માહિતી આપી છે.
મળતી માહિતી મુજબ હમાસ-ઇઝરાયેલ વચ્ચેનું યુદ્ધમાં અમેરિકાની જ્યારે પણ સહમતી મળી છે. ત્યારે અમેરિકાએ ઇઝરાયેલની મદદ કરવા માટે તનતોડ મહેનત કરવાનું શરૂ કર્યું છે. તેવામાં હવે અમેરિકાએ ઈરાન સ્થિત સંગઠનો પર હમાસને ફંડિંગ કરવાનો આરોપને લઇ પ્રતિબંધ લગાવ્યો છે. ટ્રેઝરી ડિપાર્ટમેન્ટે એક નિવેદનમાં જણાવ્યું હતું કે, આજની કાર્યવાહી હમાસના રોકાણ પોર્ટફોલિયોમાં વધારાની અસ્કયામતો અને હમાસ સાથે જોડાયેલી કંપનીઓ માટે પ્રતિબંધોમાં રાહતની સુવિધા આપનારાઓને લક્ષ્યાંકિત કરે છે. ટ્રેઝરી ઈરાનમાં હમાસના એક અધિકારી અને ઈરાનના ઈસ્લામિક રિવોલ્યુશનરી ગાર્ડ કોર્પ્સ (IRGC)ના સભ્યો તેમજ ગાઝા સ્થિત એન્ટિટીને પણ મંજૂરી આપી રહી છે જેણે હમાસ અને પેલેસ્ટિનિયન ઈસ્લામિક જેહાદ (PIJ)ને ગેરકાયદેસર ઈરાની ફંડિંગ મોકલ્યું હોવાનો આરોપ છે.
