Team Indiaની ત્રીજી વનડેમાં 9 વિકેટે જીત, અફઘાનિસ્તાનને કર્યું ક્લીનસ્વીપ, સિરીઝ 3-0થી જીતી

ભારત અને અફઘાનિસ્તાન વચ્ચે 3 મેચની ODI સિરીઝ રમાઈ. સિરીઝની અંતિમ મેચ 20 જૂને ચેન્નાઈમાં રમાઈ. આ મેચમાં ભારતે પહેલા બોલથી શાનદાર પ્રદર્શન કર્યું, પછી બેટિંગમાં પોતાની તાકાત બતાવી. 

ભારતે શાનદાર પ્રદર્શન કરીને સિરીઝ 3-0થી જીતી લીધી. ત્રીજી મેચમાં રોહિત શર્મા અને યશસ્વી જયસ્વાલે પોતાની શાનદાર બેટિંગથી ધૂમ મચાવી અને અફઘાન બોલર્સને હેરાન કર્યા.

અફઘાનિસ્તાને 218 રન બનાવ્યા

આ મેચમાં અફઘાનિસ્તાનની શરૂઆત સારી રહી ન હતી. ઓપનર રહેમાનુલ્લાહ ગુરબાઝે 7 બોલમાં 5 રન બનાવ્યા, જ્યારે ઈબ્રાહિમ ઝદરાને 18 બોલમાં 11 રન બનાવ્યા. રહેમત શાહે પણ 15 બોલમાં 5 રન બનાવ્યા. ચોથા નંબર પર બેટિંગ કરતા હશમતુલ્લાહ શાહિદીએ શાનદાર ઈનિંગ રમી, 131 બોલમાં 102 રન બનાવ્યા. શાહિદીએ 13 ચોગ્ગા અને 1 છગ્ગા ફટકાર્યા.

અઝમતુલ્લાહ ઉમરઝાઈએ ​​પણ 56 બોલમાં 50 રન બનાવ્યા. આમ અફઘાનિસ્તાને 44.2 ઓવરમાં 10 વિકેટે 218 રન બનાવ્યા. ભારત તરફથી પ્રસિદ્ધ કૃષ્ણાએ શાનદાર બોલિંગ કરી અને 5 વિકેટ લીધી. ગુરનુર બ્રાર અને હર્ષ દુબેએ પણ 1-1 વિકેટ લીધી.

રોહિત શર્મા અને યશસ્વી જયસ્વાલની શાનદાર બેટિંગ

219 રનના ટાર્ગેટનો પીછો કરવા ઉતરેલી ભારતની શરૂઆત ખૂબ જ સારી રહી. રોહિત શર્મા અને યશસ્વી જયસ્વાલે પ્રથમ વિકેટ માટે 170 રનની પાર્ટનરશીપ કરી. બંનેએ 22.5 ઓવરમાં ભારત માટે 170 રન બનાવ્યા. રોહિત શર્માએ 69 બોલમાં 9 ચોગ્ગા અને ત્રણ છગ્ગા સાથે 79 રનની શાનદાર ઈનિંગ રમી. મોહમ્મદ નબીએ તેને આઉટ કર્યો અને હિટમેન સદી ચૂકી ગયો.

યશસ્વી જયસ્વાલે 86 બોલમાં 110 રનની અણનમ ઇનિંગ રમી. શ્રેયસ ઐયરે પણ 19 બોલમાં 20 રન બનાવ્યા. ભારતે 28.4 ઓવરમાં 224/1 રન બનાવીને મેચ જીતી લીધી.

આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા