Shreyas Iyerએ કેમ બદલી પોતાની બર્થડેટ, જાણો શું છે રહસ્ય?

ભારતીય ક્રિકેટ ટીમ હાલમાં બે મેચની T20 સિરીઝ માટે આયર્લેન્ડના પ્રવાસે છે. બંને ટીમો વચ્ચેની પહેલી મેચ 26 જૂને બેલફાસ્ટમાં રમાશે. ટીમ ઈન્ડિયા માટે કેપ્ટન તરીકે શ્રેયસ ઐયરની આ પહેલી મેચ હશે.

કેપ્ટનશીપ ડેબ્યૂ કરતા પહેલા શ્રેયસ ઐયરે પોતાનો ઈન્સ્ટાગ્રામ બાયો અપડેટ કરીને બધાને હેરાન કરી દીધા. તેને પોતાના બાયોમાં બીજા DOB તરીકે 25/12/2025 લખ્યું છે. આ જોઈને તેના ફેન્સ આ તારીખ પાછળની સ્ટોરી અને ઐયરે આ કેમ લખ્યું તે જાણવા માટે ખૂબ જ ઉત્સુક છે.

શ્રેયસ ઐયરની બીજી DOB નો અર્થ શું છે?

ઓક્ટોબર 2025 માં શ્રેયસ ઐયરને ઓસ્ટ્રેલિયા પ્રવાસ દરમિયાન એક મેચ દરમિયાન ગંભીર ઈજા થઈ હતી. કેચ લેતી વખતે તેના પેટમાં કટ લાગ્યો હતો, જેના કારણે આંતરિક રક્તસ્ત્રાવ થયો હતો. તેને તાત્કાલિક હોસ્પિટલમાં લઈ જવામાં આવ્યો હતો. 

ઈજા એટલી ગંભીર હતી કે લોકો વિચારવા લાગ્યા કે શું તે ફરી ક્યારેય ક્રિકેટ રમી શકશે કે નહીં. આ ઈજાએ તેને ઘણા દિવસો સુધી રમતથી દૂર રાખ્યો. સોશિયલ મીડિયા પર વાયરલ થયેલી કેટલીક પોસ્ટ્સ મુજબ 25 ડિસેમ્બર, 2025એ દિવસ હતો જ્યારે શ્રેયસે સ્વસ્થ થયા પછી પહેલીવાર હાથમાં બેટ પકડ્યું હતું. ફેન્સ કહે છે કે આ ફક્ત મેદાનમાં તેની વાપસી ન હતી, પરંતુ તેના જીવનની એક નવી શરૂઆત હતી. કદાચ આ જ કારણ છે કે તેને તેના ઈન્સ્ટાગ્રામ બાયોમાં આ તારીખનો ઉલ્લેખ કર્યો હતો.

અફઘાનિસ્તાન સામેની ODI સિરીઝમાં શ્રેયસ ઐયરનું પ્રદર્શન કેવું રહ્યું?

શ્રેયસ ઐય્યર તાજેતરમાં અફઘાનિસ્તાન સામેની ODI સિરીઝમાં ભારતીય ટીમ માટે રમ્યો હતો. આ 3 મેચોમાં તેનું પ્રદર્શન શાનદાર ન હતું, અને તે એક પણ અડધી સદી ફટકારવામાં નિષ્ફળ રહ્યો હતો. પરંતુ તે પહેલાં તેને IPL 2026 માં પંજાબ કિંગ્સ માટે શાનદાર બેટિંગ કરી હતી, 14 મેચોમાં લગભગ 500 રન બનાવ્યા હતા. તાજેતરમાં T20 મેચોમાં તેના મજબૂત પ્રદર્શનને જોતાં તે ભારતીય T20 ટીમમાં પરત ફર્યો છે અને તેને કેપ્ટન પણ બનાવવામાં આવ્યો છે. આયર્લેન્ડ અને ઈંગ્લેન્ડના પ્રવાસોમાં તેની કેપ્ટનશીપ હેઠળ ટીમ ઈન્ડિયા કેવું પ્રદર્શન કરે છે તે જોવું રસપ્રદ રહેશે.

આ પણ વાંચો: Virat Kohli ક્રિકેટથી દૂર, પરિવાર સાથે ક્વોલિટી ટાઈમ... સ્ટાર ખેલાડી પુત્ર અકાયને પીઠ પર લઈને જતો મળ્યા જોવા