ટ્રેનમાં મુસાફરી કરતા મુસાફરોની ઊંઘનો લાભ ઉઠાવી કિંમતી સામાનની ચોરી કરતી ટોળકી પર વલસાડ રેલવે પોલીસ (GRP) એ ત્રાટકીને મોટી સફળતા મેળવી છે. એર્નાકુલમ-ઓખા એક્સપ્રેસ ટ્રેનમાં મુસાફરની નજર ચૂકવી ચોરી કરનાર બે રીઢા તસ્કરોને પોલીસે મુદ્દામાલ સાથે દબોચી લીધા છે.
ઊંઘતી પેસેન્જરનો સામાન ચોરી ફરાર થયા હતા તસ્કરો
ઘટનાની વિગત અનુસાર, એર્નાકુલમ-ઓખા એક્સપ્રેસ ટ્રેનમાં મુસાફરી કરી રહેલા પેસેન્જર જ્યારે રાત્રિના સમયે નિદ્રાધીન હતા, ત્યારે તકનો લાભ ઉઠાવી અજાણ્યા તસ્કરોએ તેમનો સામાન સાફ કરી દીધો હતો. તસ્કરો પેસેન્જરના ૨ મોબાઈલ ફોન અને એક લેડીઝ પર્સ લઈને નાસી છૂટ્યા હતા. મુસાફર જાગતા ચોરી થઈ હોવાની જાણ થતા તુરંત રેલવે પોલીસનો સંપર્ક કરવામાં આવ્યો હતો.
