સલમાન ખાન અને ઐશ્વર્યા રાયનો સંબંધ હંમેશા ખૂબ જ ચર્ચામાં રહ્યો છે. ફિલ્મ ફેસ્ટિવલના સેટ પરથી શરૂ થયેલી આ પ્રેમ કહાનીનો અંત ખૂબ જ ખરાબ રહ્યો હતો. થોડા જ વર્ષોમાં બંનેનો સંબંધ તૂટી ગયો હતો, પરંતુ આ ફિલ્મ ઇન્ડસ્ટ્રીનો સૌથી ચર્ચિત વિષય રહ્યો છે. બંનેના અનેક કિસ્સાઓ આજે પણ છવાયેલા રહે છે. બંનેએ બે-ત્રણ ફિલ્મોમાં સાથે કામ કર્યું છે, પરંતુ 27 વર્ષ પહેલાં આ ફિલ્મની વાત જ કંઈક અલગ હતી. જી હા, અહીં હમ દિલ દે ચૂકે સનમની વાત થઈ રહી છે. આ પિક્ચરમાં સમીર (સલમાન ખાન) અને નંદિની (ઐશ્વર્યા રાય) નો પ્રેમ અધૂરો રહી જાય છે, તેમ છતાં બોક્સ ઓફિસ પર આ પિક્ચર છવાઈ ગયું હતું.
ગ્લોબલ લેવલ પર મળી હતી ઓળખ
સલમાન ખાન અને ઐશ્વર્યા રાયની ફિલ્મ હમ દિલ દે ચૂકે સનમને વૈશ્વિક સ્તરે પણ રિલીઝ કરવામાં આવી હતી. ત્યાં આ ફિલ્મનું નામ હતું- સ્ટ્રેટ ફ્રોમ ધ હાર્ટ (Straight From The Heart). સંજય લીલા ભણસાલીની આ પિક્ચરમાં અજય દેવગન પણ હતા, જેણે ફિલ્મમાં ઐશ્વર્યા રાયના પતિનું પાત્ર ભજવ્યું હતું. 16 કરોડમાં બનેલી આ ફિલ્મે 50 કરોડ રૂપિયાથી વધુનો બિઝનેસ કર્યો હતો. આ ફિલ્મ માત્ર બ્લોકબસ્ટર કેટેગરીમાં જ સામેલ નહોતી થઈ, પણ તે વર્ષની સૌથી વધુ કમાણી કરનારી ફિલ્મોમાંની એક બની ગઈ હતી.
જીત્યા હતા કુલ 34 એવોર્ડ
ફિલ્મ હમ દિલ દે ચૂકે સનમ આજે પણ દરેકના દિલની નજીક છે. આ બંનેની એવી ફિલ્મ છે જેને જનતા સિવાય વિવેચકોએ (Critics) પણ ખૂબ વખાણી હતી. આ ફિલ્મને ચાર નેશનલ એવોર્ડ મળ્યા હતા, જે બેસ્ટ કોરિયોગ્રાફર, બેસ્ટ આર્ટ ડાયરેક્શન, બેસ્ટ મ્યુઝિક ડાયરેક્ટર અને બેસ્ટ સિનેમેટોગ્રાફી માટે હતા. સાથે જ સંજય લીલા ભણસાલીને બેસ્ટ ડાયરેક્ટરનો બોલીવુડ એવોર્ડ મળ્યો હતો અને ઐશ્વર્યા રાયને બેસ્ટ એક્ટ્રેસનો ક્રિટિક્સ એવોર્ડ મળ્યો હતો. ફિલ્મે અનેક ફિલ્મફેર એવોર્ડ પણ જીત્યા હતા, જેમાં બેસ્ટ ફિલ્મ, બેસ્ટ એક્ટર, બેસ્ટ એક્ટ્રેસ, બેસ્ટ ડાયરેક્ટર, બેસ્ટ પ્લેબેક સિંગર, બેસ્ટ BGM સ્કોર અને બેસ્ટ મ્યુઝિક ડાયરેક્ટરનો એવોર્ડ સામેલ છે.
આજે પણ સુપરહિટ છે ફિલ્મના ગીતો
આ ફિલ્મના ગીતો ખૂબ જ ખાસ છે અને તે આજે પણ સુપરહિટ છે. ગીતોના લિરિક્સ મહેબૂબ કોતવાલે લખ્યા હતા અને સંગીત ઇસ્માઈલ દરબારે આપ્યું હતું. ગીતોમાં કવિતા કૃષ્ણમૂર્તિ, અલ્કા યાજ્ઞિક, કુમાર સાનુ, ઉદિત નારાયણ, હરિહરન, વિનોદ રાઠોડ, સુલતાન ખાન, શંકર મહાદેવન અને કેકે (KK) જેવા દિગ્ગજોએ અવાજ આપ્યો હતો.
સુપરહિટ ગીતોની યાદી
- ચાંદ છુપા બાદલ મેં
- નિબૂડા
- આંખો કી ગુસ્તાખિયાં
- મન મોહિની
- ઝોંકા હવા કા
- ઢોલી તારો ઢોલ બાજે
- તડપ તડપ
- અલબેલા સાજન
- હમ દિલ દે ચૂકે સનમ
આ પણ વાંચો- ન નરગિસ, ના મધુબાલા, ના હેમા માલિની! આ એક્ટ્રેસે જીત્યો હતો દેશનો પ્રથમ ઈન્ટરનેશનલ એવોર્ડ
