ગુજરાતમાં ડિજિટલ એરેસ્ટ અને સાયબર ફ્રોડના બનાવો સામે આવી રહ્યાં છે. આ ઉપરાંત હની ટ્રેપની ઘટનાઓ પણ સતત વધી રહી છે. ત્યારે અમદાવાદના ઓઢવ વિસ્તારમાં મિત્રતાને લાંછન લગાડતી એક ચોંકાવનારી ઘટના સામે આવી છે, જેમાં એક યુવકે પોતાના જ મિત્રને હનીટ્રેપની જાળમાં ફસાવી લાખો રૂપિયાની છેતરપિંડી આચરી હતી. આ મામલે ઓઢવ પોલીસે તપાસ હાથ ધરી મુખ્ય સૂત્રધાર મિત્ર સહિત કુલ 3 આરોપીઓની ધરપકડ કરી છે.
આ સિલસિલો છેલ્લા 2 વર્ષથી ચાલતો હતો
આ કેસની વિગત મુજબ, ભોગ બનનાર યુવકના જ એક અંગત મિત્રએ તેની સંપત્તિ અને આર્થિક સ્થિતિ વિશેની તમામ વિગતો મેળવી લીધી હતી. લાલચમાં આવીને આ મિત્રએ અન્ય બે સાગરીતો સાથે મળીને સોશિયલ મીડિયા પર એક મહિલાના નામે બનાવટી પ્રોફાઇલ તૈયાર કરી હતી. આરોપીઓએ મહિલા બનીને ભોગ બનનાર સાથે મીઠી-મીઠી વાતો કરવાનું શરૂ કર્યું હતું. આ સિલસિલો છેલ્લા 2 વર્ષથી ચાલતો હતો.
