ગુજરાત એટીએસ દ્વારા પકડાયેલા બે જાસૂસને ખેડા કોર્ટમા રજૂ કરવામાં આવ્યા હતાં. બંને આરોપીઓના 12 દિવસના રિમાન્ડ મંજૂર કરવામાં આવ્યા છે. બંન્ને જાસૂસ મહેમદાવાદના વ્યક્તિ સાથે સંપર્કમાં હતા.કાચ્છઇ ગામના પ્રકાશ નામના વ્યક્તિ સાથે સંપર્કમાં હતા.પ્રકાશના લેપટોપમાં આર્મીના ડોક્યુમેન્ટ સેવ કરાવ્યા હતા. ATSએ કુલ 9 આરોપીઓ વિરુદ્ધ ફરિયાદ દાખલ કરી છે.
2 જાસૂસને ખેડા કોર્ટમાં રજૂ કરવામાં આવ્યા હતાં
ગુજરાત ATSએ ઝડપેલા 2 જાસૂસને ખેડા કોર્ટમાં રજૂ કરવામાં આવ્યા હતાં. બંને જાસૂસ પૈકી રશ્મિન રવિન્દ્ર પાલ નામની મહિલા મહેમદાવાદના કાચ્છઈ ગામના વ્યક્તિ સાથે સંપર્કમાં હોવાની માહિતી એટીએસને મળી હતી. કાચ્છઈ ગામના પ્રકાશ નામના યુવકને યુટ્યુબ માટે વિડિઓ editingનું કામ આપવાનું અને બદલામાં 20 હજાર પગાર આપવાની વાત કરી હતી.પ્રકાશના લેપટોપમાં આર્મીના ડોક્યુમેન્ટ સેવ કરાવી તેને ઝૂમ કરાવી રાધિકા નામની મહિલાએ જોયા હતા.
