અમદાવાદ સહિત ગુજરાત અને પાસેના રાજ્યોમાંથી વાહન ચોરી કરનાર બે આરોપીઓની ઝોન 7 એલસીબી દ્વારા ધરપકડ કરવામાં આવી છે.આરોપીઓ પાસેથી લાખો રૂપિયાની કિંમતના 10 વાહનો કબજે કરવામાં આવ્યા.. આરોપીઓ લગ્ન પ્રસંગમાં પાર્ક થયેલા વાહનોને ટાર્ગેટ કરતા હતા અને અવાવરુ જગ્યાએ તેને છુપાવી વેચવાની તૈયારી કરી રહ્યા હતા તે સમયે પોલીસે તેમને ઝડપી પાડ્યા
અલગ અલગ સ્થળોએથી વાહન ચોરી કરી
અમદાવાદ રાજકોટ મોરબી અને મહારાષ્ટ્રના અલગ અલગ વિસ્તારોમાં વાહન ચોરીને અંજામ આપનાર બે આરોપી સાજીદ ઉર્ફે ભૂરો શેતા અને અહેમદ કુરેશી ની ઝોન 7 એલસીબી દ્વારા ધરપકડ કરવામાં આવી છે.. આરોપીઓ પાસેથી પોલીસે 5.20 લાખની કિંમતના 10 વાહનો કબજે કર્યા છે.મહત્વનું છે કે, આરોપીઓ લગ્ન પ્રસંગના પાર્કિંગમાં મુકાયેલા વાહનોને ટાર્ગેટ કરતા અને ચોરીને અંજામ આપી વાહનો ગ્યાસપુર મેટ્રો સ્ટેશન પાસે આવેલી ખુલ્લી જગ્યામાં છુપાવી દેતા હતા. આરોપીઓ ચોરીના વાહનો એક સાથે વેચી દેવાની તૈયારી કરતા હતા ત્યારે પોલીસે તેમને ચોરીના વાહનો સાથે ઝડપી વધુ કાર્યવાહી હાથ ધરી છે...
