પહેલી ફેબ્રુઆરીએ દેશના નાણાં મંત્રીએ યુનિયન બજેટ 2026 રજૂ કર્યું હતું. આ બજેટમાં ગુજરાત માટે પણ જાહેરાત કરાઈ હતી. જામનગર અને ધોળાવીરા સહિતની જાહેરાતો કરવામાં આવી હતી. આ ઉપરાંત આ બજેટમાં ગુજરાતના રેલવે વિભાગ માટે 17366 કરોડ રૂપિયાની ફાળવણી કરવામાં આવી છે. કેન્દ્રીય મંત્રી અશ્વિની વૈષ્ણવે આ માહિતી આપી હતી.
રેલ વિભાગ માટે 17366 કરોડ રૂપિયા ફાળવ્યા
કેન્દ્રીય મંત્રી અશ્વિની વૈષ્ણવે કહ્યું હતું કે, નાણાં મંત્રી નિર્મલા સિતારામને રજૂ કરેલા બજેટમાં ગુજરાતના રેલ વિભાગ માટે 17366 કરોડ રૂપિયા ફાળવ્યા હતાં. કોંગ્રેસના શાસનમાં થતી ફાળવણી કરતાં 29 ગણી વધુ ફાળવણી કરવામાં આવી છે. હાલ ગુજરાતમાં 1.28 લાખ કરોડના પ્રોજેક્ટ ચાલી રહ્યાં છે. આ પ્રોજેક્ટમાં ટ્રેકનું નિર્માણ, સ્ટેશનનું રીડેવલપમેન્ટ અને સુરક્ષામાં મોટા સુધારા સામેલ છે. જેનાથી સંપૂર્ણ નેટવર્કમાં લાંબા સમય સુધી ક્ષમતામાં વધારો અને ઓપરેશનલ એફિસિયન્સી સુનિશ્ચિત કરી શકાશે. હવે ડેડીકેટેડ ફ્રેઈટ કોરિડોરથી સામાન ઝડપથી પહોંચશે. આ ઉપરાંત દરિયા કિનારેથી સામાન ઝડપી પહોંચાડી શકાશે. ગુજરાતમાં ટ્રેન લાઈનનું સો ટકા વિદ્યુતિકરણ કરવામાં આવ્યું છે. આવતા વર્ષ સુધીમાં બુલેટ ટ્રેનનું કોમર્શિયલ કાર્ય શરૂ થવાની સંભાવનાઓ છે.
