દેશ અને દુનિયામાં સાઇબર ક્રાઇમનો સતત વ્યાપ વધી રહ્યો છે. જેને અસરકારક રીતે નાથવા અને ટેક્નોલોજીકલ પડકારોનો સામનો કરવા માટે અમદાવાદ શહેર પોલીસ કમિશનર જી. એસ. મલિકના માર્ગદર્શન હેઠળ એક મહત્ત્વપૂર્ણ પગલું ભરવામાં આવ્યું છે. અમદાવાદની સાઇબર ક્રાઇમ શાખા ખાતે પોલીસ અધિકારીઓ અને કર્મચારીઓ માટે સતત બેઝિક અને એડવાન્સ ટ્રેનિંગ મળી રહે તે હેતુસર અદ્યતન ટ્રેનિંગ સેન્ટરની સ્થાપના કરવામાં આવી છે.
ટ્રેનિંગ સેન્ટર-કમ-લેબનું વિધિવત ઉદ્ઘાટન કરવામાં આવ્યું
આજે પોલીસ કમિશનર જી. એસ. મલિકના હસ્તે આ વિશેષ ટ્રેનિંગ સેન્ટર-કમ-લેબનું વિધિવત ઉદ્ઘાટન કરવામાં આવ્યું હતું. આ પ્રસંગે સંયુક્ત પોલીસ કમિશનર શરદ સિંઘલ સહિત ક્રાઇમ બ્રાન્ચ અને સાઇબર ક્રાઇમ બ્રાન્ચના તમામ ઉચ્ચ અધિકારીઓ ઉપસ્થિત રહ્યા હતા. આ ટ્રેનિંગ સેન્ટરનો મુખ્ય ઉદ્દેશ્ય અમદાવાદ શહેર પોલીસને અતિ આધુનિક ટેકનોલોજી અને ટેકનિકલ ઇન્ટેલિજન્સથી સંપૂર્ણપણે માહિતગાર કરવાનો છે.
