Ahmedabad : વૃદ્ધને કારના બોનેટ ઉપર ચઢાવનાર કારચાલક હરિશંગ જાદવની પોલીસે કરી ધરપકડ

અમદાવાદના નિકોલ વિસ્તારમાં કારના બોનેટ પર વૃદ્ધને ઉઠાવી લઈ જવાનો વીડિયો સોશિયલ મીડિયામાં વાયરલ થયા બાદ પોલીસે તાત્કાલિક કાર્યવાહી કરીને કારચાલકની ધરપકડ કરી છે.

કારચાલક હરિશંગ જાદવની પોલીસે અટકાયત કરી

મળતી માહિતી મુજબ કારચાલક હરિશંગ જાદવની પોલીસે અટકાયત કરી છે. પ્રાથમિક તપાસ મુજબ ઘટના દરમિયાન કારનો સાઇડ ગ્લાસને અડતા વૃદ્ધ અને કારચાલક વચ્ચે રકઝક થઈ હતી. વિવાદ બાદ ડ્રાઇવરે સ્થળ પરથી ભાગવાનો પ્રયાસ કર્યો હતો.

વૃદ્ધ બોનેટ પર ચડી ગયા હતા

આ દરમિયાન વૃદ્ધ વ્યક્તિ કારની આગળ આવીને ઉભા રહી ગયા હતા. જોકે આરોપીએ કાર રોકવાને બદલે ગાડી આગળ દોડાવી દીધી હતી. જેના કારણે વૃદ્ધ કારની અડફેટે આવતાં તેઓ બોનેટ પર ચડી ગયા હતા.

ડ્રાઇવરે છતાં પણ કાર રોકી નહોતી

આરોપી ડ્રાઇવરે છતાં પણ કાર રોકી નહોતી અને વૃદ્ધ બોનેટ પર હોવા છતાં વાહન આગળ ચલાવ્યું હતું. સમગ્ર ઘટના નજીકમાં રહેલા લોકોએ પોતાના મોબાઈલમાં કેદ કરી લીધી હતી, જે બાદ વીડિયો સોશિયલ મીડિયામાં ઝડપથી વાયરલ થયો હતો.

પોલીસ તાત્કાલિક હરકતમાં આવી

વીડિયો વાયરલ થતાં પોલીસ તાત્કાલિક હરકતમાં આવી અને આરોપી હરિશંગ જાદવને ઝડપી લીધો હતો. હાલ પોલીસે આરોપી સામે ગુનો નોંધી આગળની કાર્યવાહી શરૂ કરી છે.

આ પણ વાંચો---     Vadodara : બરોડા ડેરીની ચૂંટણી પહેલા ગરમાવો, કુલદીપસિંહ રાઉલજીનો ઘટસ્ફોટ, હું ઝુક્યો નથી અને ઝુકીશ પણ નહી