Ahmedabadમાં 201 જગ્યા પર ડ્રોન ઉડાડવા પર કડક પ્રતિબંધ, 36 રેડ ઝોન અને 165 યલો ઝોનમાં પ્રતિબંધ

અમદાવાદ શહેરમાં સુલેહ-શાંતિ અને નાગરિકોની સલામતીને ધ્યાનમાં રાખીને અમદાવાદ પોલીસ કમિશનર (CP) દ્વારા ડ્રોન ઉડાડવા પર પ્રતિબંધનું જાહેરનામું બહાર પાડવામાં આવ્યું છે.

36 રેડ ઝોન વિસ્તારો તેમજ 165 યલો ઝોન વિસ્તારોમાં ડ્રોન ઉડાડવા પર સંપૂર્ણ પ્રતિબંધ

આ નિર્ણય હેઠળ શહેરના 36 રેડ ઝોન વિસ્તારો તેમજ 165 યલો ઝોન વિસ્તારોમાં ડ્રોન ઉડાડવા પર સંપૂર્ણ પ્રતિબંધ મૂકવામાં આવ્યો છે.

કુલ 201 જગ્યાઓ પર ડ્રોન ઉડાડવા પર પ્રતિબંધ

પોલીસ વિભાગ દ્વારા આપવામાં આવેલી માહિતી અનુસાર, સંવેદનશીલ ગણાતા વિસ્તારોમાં કોઈ પણ પ્રકારની સુરક્ષા ખામી ન સર્જાય તે હેતુથી આ પગલું લેવામાં આવ્યું છે. આમ, અમદાવાદ શહેરમાં કુલ 201 જગ્યાઓ પર ડ્રોન ઉડાડવા પર પ્રતિબંધ લાગુ રહેશે.

કાયદેસર કાર્યવાહી હાથ ધરવામાં આવે

 પ્રતિબંધિત વિસ્તારોમાં પરવાનગી વિના ડ્રોન ઉડાડનાર સામે કાયદેસર કાર્યવાહી હાથ ધરવામાં આવશે. ખાસ કરીને જાહેર કાર્યક્રમો, ભીડવાળા વિસ્તારો અને મહત્વપૂર્ણ ઇમારતોની આસપાસ ડ્રોનના ઉપયોગથી સર્જાઈ શકે તેવી સુરક્ષા જોખમોને ધ્યાનમાં રાખીને આ નિર્ણય લેવામાં આવ્યો છે.

જાહેરનામાનું કડક પાલન કરવા સૂચના

 શહેરમાં સુલેહ-શાંતિ જાળવવા અને સૌની સલામતી સુનિશ્ચિત કરવા માટે જાહેરનામાનું કડક પાલન કરવામાં આવે તેમ જણાવાયું છે. કોઈપણ પ્રકારની અફવા કે ગેરવર્તનથી દૂર રહેવા પણ તેમણે સૂચના આપી છે.

આ પણ વાંચો----    Surendranagar: જમીન કૌભાંડમાં તપાસનો ધમધમાટ તેજ, ED દ્વારા તત્કાલીન કલેકટરના PA, કલાર્ક અને વકીલને તેડું