Ankleshwar નજીક સ્ક્રેપના બે ગોડાઉનમાં ભીષણ આગ, ફાયર વિભાગ દ્વારા આગ પર કાબૂ મેળવવા પ્રયાસ

અંકલેશ્વર શહેર નજીક આવેલા નોબેલ માર્કેટ વિસ્તારમાં સ્ક્રેપના બે ગોડાઉનમાં અચાનક આગ ફાટી નીકળતા અફરાતફરીનો માહોલ સર્જાયો હતો. આગે ઝડપથી વિકરાળ સ્વરૂપ ધારણ કરતા આસપાસના વિસ્તારોમાં દોડધામ મચી ગઈ હતી.

 ડમ્પીંગ સાઈટમાં લાગેલી આગ ફેલાઈને સ્ક્રેપના ગોડાઉન સુધી પહોંચી

પ્રાથમિક માહિતી મુજબ નજીકની ડમ્પીંગ સાઈટમાં લાગેલી આગ ફેલાઈને સ્ક્રેપના ગોડાઉન સુધી પહોંચી હોવાની શંકા વ્યક્ત કરવામાં આવી રહી છે. ગોડાઉનમાં જ્વલનશીલ સામગ્રી હોવાને કારણે આગ ઝડપથી ફેલાઈ હોવાનું જાણવા મળ્યું છે.

ફાયર વિભાગની અનેક ટીમો ઘટના સ્થળે પહોંચી ગઈ

આગની જાણ થતાં જ ફાયર વિભાગની અનેક ટીમો ઘટના સ્થળે પહોંચી ગઈ હતી અને આગ પર કાબૂ મેળવવા માટે સતત પ્રયાસો હાથ ધરવામાં આવ્યા હતા. લાંબા સમય સુધી આગ અને ધુમાડાના ગોટેગોટા દૂર સુધી દેખાતા રહ્યા હતા.

 કોઈ જાનહાની થયાની જાણ નથી

ઘટનામાં કોઈ જાનહાની થયાની જાણ નથી, પરંતુ ભારે પ્રમાણમાં માલસામાનને નુકસાન પહોંચ્યું હોવાનું અનુમાન છે. ફાયર વિભાગ દ્વારા આગ લાગવાનું ચોક્કસ કારણ જાણવા તપાસ શરૂ કરવામાં આવી છે. સ્થાનિક પોલીસ દ્વારા પણ ઘટનાસ્થળે સુરક્ષા વ્યવસ્થા ગોઠવવામાં આવી હતી.

આ પણ વાંચો----   Gujarat Weather: રાજ્યમાં ઠંડીથી લોકો ધ્રુજી ઉઠ્યા, નલિયા બન્યું સૌથી ઠંડું સ્થળ